-
-
فیول پرائس میں اضافے کا عام آدمی پر بوجھ کم کرنے کے لئے سندھ حکومت کے پیپلز موٹر سائیکل فیول سبسڈی پروگرام کا آغازہو گیا ہے۔
حکومتِ سندھ کی جانب سے اعلان کیا گیا ہے کہ شہریوں کی سہولت کے لیے اس پیپلز موٹر سائیکل فیول سبسڈی پروگرام کے تحت موٹر سائیکل رکھنے والے صوبے بھر کے شہریوں کو دو ہزار روپے سبسڈی دی جائے گی۔
اہلیت کا معیار
وزیر اعلیٰ سندھ کے مطابق پروگرام کے لئے موٹر سائیکل اور بینک اکاونٹ درخواست گزار کے نام پر ہو نا لازمی ہے، اگر آپ کے شناخی کارڈ پر ایک سے ذائد موٹر سائیکل رجسٹرڈ ہے تو سبسڈی صرف ایک موٹر سائیکل کو ہی ملے گی اور موٹر سائیکل آپ کے نام پر نہیں تو فوری طور پر بغیر کسی فیس کے بائیک اپنے نام کروالیں۔
رجسٹریشن کا طریقہ کار
فیول سبسڈی کے حصول کے لئے محکمہ ایکسائیز کی ویب سائیٹ پر جائیں، شناختی کارڈ اور بائیک کا رجسٹریشن نمبر درج کریں کیپچا کوڈ بھریں اور تصدیق کے لئے چیک الیجیبی بلیٹی پر کلک کریں۔
جس کے بعد ایک نئی ونڈو کھلے گی جہاں آپ کا نام درج ہوگا اسکے نیچے خانے میں اپنا فون نمبر درج کریں اور سبمٹ کریں۔ آپ کے فون پر ایک او ٹی پی آئے گا نیچے بنے خانے میں اسے لکھیں اور سبمٹ کریں۔ اب ایک تیسری ونڈو کھل جائے گی یہاں پر اپنا آئی بی اے این نمبر یعنی اکاونٹ نمبر تحریر کریں اور سبمٹ کردیں۔
درخواست کامیابی سے جمع ہونے کی صورت میں آپ کو ایک ٹریکنگ آئی ڈی فراہم کر دی جائے گی۔ وزیراعلیٰ سندھ کے مطابق سندھ بینک میں اکاونٹ کی صورت میں 24 گھنٹوں میں رقم منتقل ہوجائے گی، کسی اور بینک میں اکاؤنٹ ہونے کی صورت میں رقم 3 دن میں منتقل ہوگی۔
محکمہ ایکسائز کے دفاتر کے اوقات کار
حکومت سندھ کی جانب سے محکمہ ایکسائز کے دفاتر کے اوقات کار کے حوالے سے اعلان کیا گیا ہے کہ محکمہ ایکسائز کے دفاتر ہفتے کے ساتوں دن صبح 8 بجے سے رات 12 بجے گئے تک کھلے رہیں گے۔
