گوگل کا پاکستان میں پہلا آفس، طلباء کو کیا فائدہ حاصل ہوگا؟

گوگل نے پاکستان میں اپنا آفس کھول لیا، اسلام آباد میں منعقدہ ایک تقریب میں وزیراعظم شہباز شریف نے آفس کا افتتاح کیا، تقریب میں گوگل کے نائب صدر ولسن وائٹ اور امریکی سفارت خانے کی ناظم الامور نٹالی بیکر نے بھی شرکت کی۔

وزیر اعظم شہباز شریف کا کہنا تھا کہ گوگل کے ساتھ بہترین شراکت داری قائم کرنے اور متعدد شعبوں میں تعلقات کو وسعت دینے کی وسیع گنجائش موجود ہے۔ ہمارے پاس نوجوانوں کی ایک بڑی تعداد موجود ہےجو پاکستان کی تقدیر بدل سکتے ہیں وسائل اور ٹیکنالوجی کے ذریعے اپنے نوجوانوں کو بااختیار بنائیں گے۔

وزیر اعظم شہباز نے پاکستان کی ڈیجیٹل معیشت کو آگے بڑھانے میں گوگل کے کردار کو سرتے ہوئے کہ اکہ ان اقدامات سے ہزاروں پاکستانی نوجوانوں کو باعزت روزگار کے مواقع میسر آئے۔

گوگل کے نائب صدر ولسن وائٹ نے کہا کہ وزیراعظم کا پاکستان کو 30 ارب ڈالر کا آئی ٹی برآمدات کا مرکز بنانے کا عزم گوگل کے اہداف سے مکمل طور پر مطابقت رکھتا ہے۔ طلباء کو ایک سال کے لیے ‘گوگل جیمینائی’ کی سبسکرپشنز بالکل مفت فراہم کریں گے۔

مقامی شراکت داروں کے ساتھ گوگل کی قائم کردہ کروم بک اسمبلی لائن پر اطمینان کا اظہار کرتے ہوئے ولسن وائٹ نے کہا کہ پاکستان میں اسمبل ہونے والی کروم بکس کو خطے کے دیگر ممالک میں برآمد کرنے کے وسیع امکانات موجود ہیں۔ گوگل نے مقامی پاکستانی کاروبار اور گھرانوں کیلیے 3.9 ٹریلین روپے سے زائد کی معاشی سرگرمیاں پیدا کی ہیں جس سے 9 لاکھ 60 ہزار سے زائد ملازمتیں حاصل ہوئیں۔