-
-
پاکستان کے چاروں صوبوں میں پنجاب منتخب نمائندوں کو سب سے زیادہ تنخواہ اورمراعات فراہم کرنے والا صوبہ بن گیا ہے، دسمبر 2024ء کے اضافے سے قبل پنجاب سب سے کم مراعات دینے والا صوبہ تھا۔ پنجاب اسمبلی نے دسمبر 2024ء کو اسپیکر، ڈپٹی اسپیکر، ارکان اسمبلی ، صوبائی وزراء، مشیر، معاونین خصوصی، پارلیمانی سیکریٹریز اور اپوزیشن لیڈرز کی سرکاری تنخواہوں میں انتہائی غیر معمولی اضافہ کیا گیا، جس کے بعد صوبہ پنجاب مراعات کے حوالے سے آخری پوزیشن سے پہلی پوزیشن پرآچکا ہے۔
پنجاب اسمبلی کی جانب سے 16 دسمبر 2024ء کو تقریباً 500سے 900 فیصد اضافے سے قبل عوامی نمائندوں کی تنخواہ اورمراعات کے حوالے پہلی پوزیشن صوبہ بلوچستان کی تھی ، جس کے بعد گلگت بلتستان اسمبلی، خیبر اسمبلی ، سندھ اسمبلی، آزاد کشمیر اسمبلی ، سینیٹ آف پاکستان، قومی اسمبلی اور سب سے آخر میں پنجاب اسمبلی کا نمبر آتا تھا، مگر پنجاب میں اضافے کے بعدسینیٹ آف پاکستان اور قومی اسمبلی کے نمائندوں کی مراعات میں بھی غیر معمولی اضافہ کیا گیاہے۔
| پنجاب اسمبلی : عوامی نمائندوں کی تنخواہ اور سرکاری مراعات | ||||||
| ٹرانسپوٹ و دیگر مراعات | رہائش گاہ | علاج | الائونسز | ماہانہ تنخواہ | عہدہ | نمبر شمار |
| حسب ضرورت | سرکاری | سرکاری | 30,000 | 180,000 | وزیراعلیٰ | 1 |
| حسب ضرورت | سرکاری | سرکاری | 11,000 | 975,000 | اسپیکر | 2 |
| حسب ضرورت | سرکاری | سرکاری | 11,000 | 960,000 | صوبائی وزیر | 3 |
| حسب ضرورت | سرکاری | سرکاری | 11,000 | 800,000 | ڈپٹی اسپیکر | 4 |
| حسب ضرورت | سرکاری | سرکاری | 11,000 | 700,000 | صوبائی مشیر | 5 |
| حسب ضرورت | سرکاری | سرکاری | 10,000 | 665,000 | معاون خصوصی | 6 |
| حسب ضرورت | ۔ | سرکاری | 10,000 | 550,000 | پارلیمانی سیکریٹری | 7 |
| حسب ضرورت | ۔ | سرکاری | 10,000 | 500,000 | ممبران اسمبلی | 8 |
| حسب ضرورت | سرکاری | سرکاری | 11,000 | 950,000 | اپوزیشن لیڈر | 9 |
| پنجاب اسمبلی نے 16 دسمبر 2024ء کوعوامی نمائندوں (وزیراعلیٰ کے سوا)کی تنخواہوں کے نظرثانی بل 2024ء کی منظوری دی ہے۔بل کی منظوری کے بعد عوامی نمائندوں کی تنخواہوں میں غیر معمولی اضافہ ہوا ہے،جس کے بعد پنجاب سب سے زیادہ مراعات فراہم کرنے والے صوبہ ہے۔ نوٹ: یہ چارٹ مختلف میڈیا رپورٹس کے اعداد وشمار اور کچھ دستیاب سرکاری دستاویز کی بنیاد پر انتہائی احتیاط سے تیار کیا گیا ہے، اگر کوئی غلطی ہو تو سہواً ہے۔ |
||||||
مزید پڑھیں؛سندھ اسمبلی کے منتخب نمائندوں کی تنخواہ اور مراعات میں اضافے کی تجویز
پنجاب اسمبلی نے 16 دسمبر 2024ء کوعوامی نمائندوں کی تنخواہوں کے نظرثانی بل 2024ء کی منظوری دی ، جس کے بعد عوامی نمائندوں کی تنخواہوں میں500سے 900 فیصد تک غیر معمولی اضافہ ہوا ہے۔ ذرائع کے مطابق اپوزیشن لیڈر کی تنخواہ اورمراعات صوبائی وزیر کے برابر ہونے کی وجہ سے پنجاب اسمبلی کے اپوزیشن لیڈر کی تنخواہ میں بھی از خود اضافہ ہوگیا ہے۔ عوامی نمائندوں کی کچھ سالانہ اور اجلاس کے دوران روزانہ الائونسز بھی ہیں۔
تاہم وزیراعلیٰ پنجاب کی تنخواہ اور مراعات میں اضافے کے حوالے سے کوئی سرکاری دستاویز نہیں ملی، بظاہر وزیراعلیٰ پنجاب کی تنخواہ میں اضافہ نہیں ہوا ہے اور ان کا شمار صوبے کے منتخب نمائندوں میں سب سے کم مراعات لینے والا ہوگا۔
