-
-
کراچی میں نیگلیریا سے ایک اور شخص انتقال کرگیا۔ محکمہ صحت سندھ کے ترجمان کے مطابق متاثرہ 38 سالہ شخص گلشن معمار کا رہائشی تھا جو گزشتہ شب انتقال کرگیا۔
جیو نیوز کے مطابق محکمہ صحت سندھ کے ترجمان نے بتایاکہ متاثرہ شخص کو 7 نومبر سے بخار، سر درد اور الٹی کی شکایت تھی، وہ 8 نومبر تک گھر میں رہا اور ادویات استعمال کیں۔
ترجمان کا کہنا ہے کہ مریض کو 9 نومبر کو طبیعت بگڑنے پر نجی اسپتال کی ایمرجنسی میں لایاگیا۔ ترجمان کے مطابق ترجمان محکمہ صحت سندھ نے بتایاکہ سندھ بھر میں اب تک نیگلیریا سے 12 افراد انتقال کرچکے ہیں جن میں سے 11 افراد کا تعلق کراچی سےتھا۔
ترجمان کا کہنا تھاکہ نگلیریا سے بچاؤ کےلیے ناک میں پانی ڈالنے میں احتیاط کیا کریں اور طبی ماہرین اور ڈبلیو ایچ او کی گائیڈ لائنز کے مطابق پانی میں کلورین کا استعمال کریں۔
