-
-
خانہ کعبہ کو غسل دینے کی سالانہ تقریب کی اعلان کردیا گیا۔ غسل کعبہ کی سالانہ تقریب 15 محرم الحرام کو فجر کی نماز کے بعد ادا کی جائے گی۔
غیر ملکی میڈیا کی رپورٹس کے مطابق سالانہ غسلِ کعبہ کی تقریب میں مکہ مکرمہ کے گورنر شہزادہ خالد الفیصل بھی شرکت کریں گے اور غسل کعبہ میں بھی حصہ لیں گے۔
NEWS || The annual Ka’bah Washing Ceremony (Ghusl Ka’bah) will take place on 15 Muharram 1445, after Fajr prayers… pic.twitter.com/OBcex1uGIO
— The Holy Mosques (@theholymosques) July 25, 2023
شہزادہ خالد الفیصل خانہ کعبہ کی اندرونی دیواروں کو آبِ زم زم، عرقِ گلب اور مشک سے دھوئیں گے جبکہ خانہ کعبہ کے فرش کو آبِ زم زم، عرقِ گلاب اور عود کے عطر سے دھویا جائے گا۔
مسجد الحرام میں خانہ کعبہ کی اندرونی دیواروں اور فرش کو آبِ زم زم سے دھونے کے بعد ہاتھوں اور کھجور کے پتوں کی مدد سے خشک کیا جائے گا جبکہ سفید کپڑے کا استعمال دیواروں کو صاف کرنے کے لیے کیا جائے گا۔
