مری میں پھنسے سیاحوں کو نکالنے کےلئے پاک فوج کا ریسکیو آپریشن

مری میں پھنسے سیاحوں کو نکالنے کیلئے پاک فوج کی جانب سے آرمی اسکول آف ٹیکنیشنز باڑیاں سمیت پانچ ریلیف سینٹر قائم کردیئے گئے ہیں۔ فوجی ٹرانسپورٹ پر لوگوں کو نکالنے کے لیے خصوصی انتظامات بھی کیے گئے ہیں۔ آئی ایس پی آر کے مطابق مری ڈویژن میں سینٹرل کنٹرول ڈویژن قائم کر دیا گیا ہے۔ شدید برف باری سے متاثرہ افراد کو خوراک اور رہائش فراہم کی جارہی ہے۔۔ آرمی اسکول آف ٹیکنیشنز باڑیاں میں بھی آرمی ریلیف سنٹر قائم کیا گیا ہے۔۔۔ملٹری کالج مری، جھیکا گلی، اے پی ایس کلڈانہ، اسٹیشن سپلائی ڈپو سنی بینک، ایف ڈبلیو او کے ڈوزر اور آرمی انجینئر سڑکوں کو کھلا رکھنے میں مصروف ہیں۔ ترجمان پاک فوج کے مطابق فوجی ٹرانسپورٹ پر لوگوں کو نکالنے کے لیے خصوصی انتظامات کیے گئے ہیں۔۔تمام لوگوں کے انخلاء تک آرمی کے جوان میدان میں موجود رہیں گے۔