-
-
گوادر اور کراچی کی ساحلی پٹی سے عمان کے درمیان فیری سروس شروع کرنے کی تجویز پر کام کا آغاز کردیاگیا۔ عمان پاکستان کیلئے خلیج و دیگر منڈیوں جبکہ پاکستان عمان کیلئے وسطی ایشیا اور دیگر منڈیوں تک رسائی کیلئے گیٹ وے ہے۔
عمان کے اعلیٰ سطح کے کاروباری وفد کے سربراہ اور عمان چیمبر کے چیئرمین انجینئر ردھا الصالح نے دورہ پاکستان کے دوران یہ تجویز پیش کی تھی۔ ان کا کہنا تھا کہ عمان کے راستے سعودی عرب اور دیگر ممالک تک رسائی نسبتاً آسان ہے اور وقت بھی کم خرچ ہوتا ہے۔
عمان چیمبر کے چیئرمین کی تجویز پر کام کا آغاز ہوگیا۔ فیری سروس کے آغاز کے بعد پاکستان کی خلیج اور دیگر منڈیوں تک درآمدات اور برآمدات میں اضافہ ہوسکے گا۔ فیری سروس کے ذریعے باآسانی تجارتی سامان منزل مقصود تک پہنچایا جاسکے گا۔
