-
-
قربانی ایک شرعی فریضہ ہے جسکی ادائیگی کے میں صرف حقوق اللہ کا ہی خیال رکھنا ضروری نہیں بلکہ حقوق العباد اور جانور کے ساتھ حسن سلوک بھی نہایت ضرروی ہے۔
کوشش کریں کہ جانور کم از کم ایک روز قبل ضرور لے آئیں تاکہ وہ آپ سے کسی قدر مانوس ہو سکے جانور سے پیار اور محبت سے پیش آئیں عید کے روز جانور کو قربانی سے قبل نہلا کر پہلے کھلا پلا لیں چھری پہلے سے تیز کر کے رکھیں نیت صرف اللہ کے لئے خالص کریں۔
جانور کو احتیاط اور آرام سے لٹائیں، قبلہ رخ کریں اور قربانی کی دعا پڑہیں تیز چھری جانور کے گلے پر پھیریں اور دوبارہ دعا پڑہیں ایک جانور کے سامنے دوسرے جانور کو ذبح کرنے سے پرہیز کریں کوشش کریں کہ قربانی سڑک کے درمیان میں نہ کریں گلی میں آنے جانے کا راستہ ضرور چھوڑیں۔
قربانی کے بعد جگہ کو اچھی طرح صاف کریں آلائیش گلی یا سڑکوں پر پھینکنے کے بجائے مخصوص مقامات پر رکھیں جہاں سے اسے باآسانی اٹھا یا جاسکے، ذبح والی جگہ پر کیڑے مار دوا کا چھڑکاؤ کریں اور پھر چونا ڈال کر سڑک کو صاف کریں آلائیش گلی یا سڑکوں پر پھینکنے کے بجائے مخصوص مقامات پر رکھیں، استعمال شدہ اوزار، چھریاں اور برتن دھو کر خشک کر لیں۔
گوشت ملنے کے بعد اسکی صفائی کریں اور چربی ہٹا دیں دو گھنٹے کئے اندر اندر گوشت کو اچھی طرح دھو کر فرج میں رکھیں یا فریز کر دیں کچے گوشت کے ساتھ دوسری اشیا نہ رکھیں جمے ہوئے گوشت کی برف پگھلانے کے لئے اسے براہ راست کچن کاونٹر پر نہ رکھیں۔
