-
-
حکومت پاکستان نے بائیک، رکشہ اور چھوٹی گاڑیوں کے لئے پیٹرول پر 100 روپے فی لیٹر ریلیف کا اعلان کر دیا ہے۔
یہ ریلیف موٹر سائیکل، رکشہ، چنکچی لوڈر اور دیگر دو اور تین پہیوں والی مسافر یا لوڈر گاڑیوں کے لئے 20 لیٹر ماہانہ جبکہ آٹھ سو سی سی تک کی چھوٹی گاڑیوں کے لئے 30 لیٹر ماہانہ ہے، مگر رعایت صرف رجسڑڈ صارفین کو ہی ملے گا۔
وزیر اعظم فیول اسکیم میں کیسے رجسٹرڈ ہوں؟
وزیر اعظم اسکیم میں رجسٹرڈ ہو نے کے لئے اپنے موبائل فون کے میسج میں آر ای جی ( REG) درست اور فعال قومی شناختی کارڈ نمبر، درخواست گزار کے نام پر رجسٹرڈ گاڑی کا درست رجسٹریشن نمبر، صوبے کا کوڈ (مثال کے طور پر آپ سندھ سے ہیں تو آپ نے S لکھنا ہے)، اور گاڑی کی رجسٹریشن کی تاریخ لکھ کر 9771 پر بھیج دیں۔
صوبوں کے کوڈ کیا ہیں؟
اسلام آباد کا کوڈ آئی، آزاد جمو و کشمیر کا کوڈ اے، گلگت بلتستان کا کوڈ جی، پنجاب کا کوڈ پی، سندھ کا کوڈ ایس اور بلوچستان کا کوڈ بی ہے۔
رجسٹریشن مکمل ہونے پر آپکو تصدیقی پیغام ملے گا، پیٹرول پمپ جانے سے پہلے اپنے موبائل کے میسج میں ٹی او کے(TOK) درج کر کے 9771 پر بھیج دیں، اسکے بعد آ پ کو رایتی پیٹرول حاصل کرنے کا میسج ملے گا۔ میسج میں ٹوکن نمبر رجسٹریشن نمبر اور پیٹرول کی مقدار اور استعمال کرنے کی مدت درج ہو گی، ٹوکن نمبر پیٹرول پمپ پر دکھا کر آپ رعایتی قیمت پر پیٹرول حاصل کر سکتے ہیں۔
یہ سہولت 14 اور 15 ستمبر کی درمیانی شب سے اسلام آباد جبکہ 16 ستمبر کی رات 12 بجے سے پاکستان بھر بشمول آزاد جموں و کشمیر اور گلگت بلتستان میں دستیاب ہو گی۔ مذید معلومات کے لئے (www.pmfuelrelief.pk) وزٹ کریں۔
