-
-
کراچی میں شاہراہ فیصل پر ٹریفک پولیس حکام نے لین کی خلاف ورزی پر زیرو ٹالیرنس پالیسی کے تحت فیس لیس ای چالان کا سلسلہ شروع کر دیا۔
ابتدائی طور پر چالان کا آغاز شارع فیصل پر کیا گیا ہے .جسے بتدریج دیگر اہم شاہراہوں تک پھیلایا جائے گانئے ٹریفک پلان کے مطابق سڑک کو گاڑیوں کی رفتار اور نوعیت کے حساب سے تقسیم کیا گیا ہے ۔ ڈی آئی جی ٹریفک پیر محمد شاہ کےمطابق شاہراہ فیصل عمومی طور پر چار رویہ سڑک ہے رائیٹ سائیڈ والی دو فاسٹ موونگ لینز، کار جیپ، ڈبل کیبن یا اس جیسی دوسرے تیز رفتار گاڑیوں کے لئے مخصوص ہو ں گی۔
ڈی آئی جی ٹریفک کے مطابق تمام کمرشل گاڑیوں اور موٹر سائیکل سواروں کو صرف لیفٹ ہینڈ والی سلو ٹریکس پر چلنے کی اجازت ہو گی اگر رکشہ یا موٹر سائیکل فاسٹ ٹریک پر جائے گا تو اس کا چالان ہو گااور اسی طرح اگر کوئی کار اپنے ٹریک پر سلو چل رہی ہو یا پھر سلوٹریک پر آجائےتو اس کا بھی ای چالان ہو گا۔
ڈی آئی جی ٹریفک کے مطابق لین ڈسپلین کی خلاف ورزی پر موٹر سائیکل کا ڈھائی ہزار روپےکا جرمانہ ہوگا ، کار کا پانچ ہزار جبکہ دیگر کمرشل گاڑیوں کا ساڑھے سات ہزار روپے کا چالان ہو گا ، پیر محمد شاہ کے مطابق ایک ماہ قبل لین کی پابندی سے متعلق باقاعدہ آگاہی مہم چلائی گئی تھی ، یہ فیصلہ شہریوں کی حفاظت کی خاطر کیا گیا ہے لہذااپنی لین میں ڈرائیو کریں خود کو اور دوسروں کو محفوظ رکھیں۔
