صحت مند گھٹنوں کیلیے ایک عام سی ورزش

یوں تو بڑہتی عمر کے ساتھ گھنٹوں کی تکلیف معمول ہے مگر کم عمری میں بھی یہ کئی دیگر مسائل کے باعث ہو سکتی ہے جیسے چوٹ لگنا، جوڑوں کے امراض اور گھٹنے کے ٹشوز کی کمزوری تاہم ایک عام سی عادت یا ورزش گھٹنو ں کے درد میں فائدہ مند ثابت ہو سکتی ہے اور وہ ہے سیڑھیاں چڑھنا۔

صحت مند گھٹنے کھڑے ہونے، چلنے، بھاگنے اور بیٹھنے کے لیے بہت اہم ہوتے ہیں۔ جبکہ گھٹنوں کی تکلیف میں چہل قدمی بلکہ بعض اوقات سیدھا کھڑا ہونا بھی تکلیف دہ ہوتا ہے۔ مگر اسکے باوجود ماہرین مشورہ دیتے ہیں کہ سیڑھیاں چڑھنا آپکو اس تکلیف سے بڑی حد تک نجات دلا سکتا ہے کیونکہ یہ عمل گھٹنوں کے مسلز کو مضبوط بنا تا ہے جس سے جوڑوں پر دباو کم ہوتا ہے اور اسکے نتیجے میں تکلیف کی شدت کم ہو جاتی ہے۔

مزید پڑھیں:زہنی دباو ۔ نوجوانوں بلخصوص خواتین میں فالج کا بڑا خطرہ بن گیا

طبی ماہرین کے مطابق گھٹنوں کے یہ مسلز رانوں تک پھیلے ہوتے ہیں اور سیڑھیاں چڑھنے سے ان کی اچھی ورزش ہوتی ہے، اسی طرح سیڑھیاں چڑھنے سے جسمانی وزن کو کنٹرول کرنے میں مدد ملتی ہے جس سے گھٹنوں کو بلاواسطہ فائدہ ہوتا ہے۔

جیو نیوز میں شائع ایک رپورٹ میں ایکسپرٹ کا کہنا ہے محض 5 منٹ تک سیڑھیاں چڑہنے سے45 کیلوریز برن ہو تی ہیں اور اگر ہر ہفتے 5 بار ایسا کیا جائے تو یہ 225 کیلوریز بن جاتی ہیں۔ یعنی سال بھر میں آپ صرف 5 منٹ سیڑھیاں چڑھ کر 3 پونڈ سے ذیادہ وزن کم کر سکتے ہیں۔

ماہرین کے مطابق وزن میں ہر 10 پونڈ کا اضافہ گھٹنوں پر 30 سے 60 پونڈ کا اضافی دباؤ بڑھاتا ہے۔ بظاہر ایک آسان اور محفوظ ورزش ہونے کے باوجود اگر آپ دل، سانس یا پھر کسی اور مرض کا شکار ہیں تو بہتر ہے کہ اسکے لئے اپنے ڈاکٹر سے ضرور مشورہ کر لیں، احتیاط برتیں اور اپنے گھٹنوں کا خیال رکھیں۔