کے-الیکٹرک کا نئے کنکشن کے لیے آن لائن نظام متعارف

کراچی کے شہری اب گھر بیٹھے بجلی کے نئے کنکشن لگوانے کے لیے آن لائن درخواست جمع کر اسکتے ہیں، جی ہاں کیونکہ کے-الیکٹرک کی جانب سے نئے کنیکشن کے لیے آن لائن نظام متعارف کروایا گیا ہے۔

آن لائن اپلائی کرنے کا طریقہ کار

آن لائن اپلائی کرنے کے لئے کے الیکٹرک کی ویب سائیٹ (https://ke.com.pk/new-connections/) پر جائیں اور نئے کنکشن کے آپشن کو پریس کریں، 80 کلو واٹ سے کم لوڈ کے لیے آسان میٹر کیٹیگری منتخب کریں۔

دستاویزات:

رہائیشی کنکشن کے لئے درخواست گزار کے قومی شناختی کارڈ کی کاپی، ملکیت یا کرایہ داری کا ثبوت، حلف نامہ جمع کرانا ہوگا اور ضرورت پڑنے پر این او سی درخواست کے ساتھ جمع کرانا ہو گی۔

میٹر لگنے میں کتنا وقت درکار ہوگا؟

درخواست موصول ہونے کے بعد کے-الیکٹرک کی ٹیم پانچ ورکنگ دنوں کے اندر جگہ کا معائنہ کرے گی سائٹ سروے کی منظوری کے بعد کے-الیکٹرک انسٹالیشن کے اخراجات کا سرکاری تخمینہ جاری کرے گی، اسکا دارومدار کنکشن لوڈ، کنکشن کی قسم اور کنکشن کی جگہ اور گھر کے درمیان فاصلہ پر ہوتا ہے۔

مزید پڑھیں:کراچی سمیت ملک بھر کے صارفین کیلیے بجلی کی قیمت میں کمی کا امکان

اگلے مرحلے میں صارف کو تخمینے کے مطابق ادائیگی کرنی ہو تی ہے، اگر اضافی وائرنگ درکار ہو تو درخواست گزار کو الیکٹریکل انسٹالیشن سرٹیفکیٹ جمع کرانا ہوگا، ادائیگی اور وائرنگ کی تصدیق کے بعد کے-الیکٹرک عام طور پر تین ورکنگ دنوں کے اندر میٹر نصب کر دیتی ہے۔ تمام تقاضے پورے ہونے کی صورت میں آپکے گھر میں صرف 15 دن میں میٹر لگایا جاسکتا ہے۔

اس کے علاوہ نئے کنکشن کے لئے کے-الیکٹرک کے کسی بھی کسٹمر کیئر سینٹر پر درخواست جمع کرائی جاسکتی ہے۔