-
-
انسداد دہشت گردی عدالت (اے ٹی سی) فیصل آباد نے 9 مئی کو رانا ثنااللہ کے گھر پر حملے کے کیس کا فیصلہ سناتے ہوئے قومی اسمبلی وسینیٹ کے سابق قائد حزب اختلاف عمر ایوب اور شبلی فراز سمیت 59 ملزمان کو 10، 10 سال قید کی سزا سنادی ہے۔
9 مئی کو فیصل آباد میں وزیراعظم کے مشیر رانا ثنااللہ کے گھر پر حملے کے کیس کی سماعت انسداد دہشت گردی عدالت میں ہوئی۔ اے ٹی سی فیصل آباد نےتھانہ سمن آباد میں درج مقدمے میں 109 ملزمان میں سے 75 کو سزائیں سنائی گئیں ہیں جبکہ 34 کو بری کر دیا گیا، 59 ملزمان کو 10 10 سال قید کی سزائیں سنائی گئی، 16 ملزمان کو تین تین سال قید کی سزا سنائی گئی ہے۔
مزید پڑھیں9 مئی کیسز، عمر ایوب، شبلی فراز، زرتاج گل سمیت 108 ملزمان کو سزائیں سنادی گئیں
کیس میں سابق وفاقی وزیر فواد چوہدری اور پی ٹی آئی کے وائس چیئرمین شاہ محمود قریشی کے صاحبزادے زین قریشی کو بری کردیا ہے۔ عدالت نے قومی اسمبلی اور سینیٹ میں سابق اپوزیشن لیڈر عمر ایوب اور شبلی فراز کے علاوہ سابق وفاقی وزیر زرتاج گل کو 10،10 سال قید کی سزا سنادی۔
خیال رہے کہ 9 مئی 2023 کو سابق وفاقی وزیر رانا ثنااللہ کے گھر پر حملے کا مقدمہ تھانہ سمن آباد میں درج کیا گیا تھا۔
