کراچی میں تیز ہواؤں کے ساتھ مطلع ابر آلود رہنے کا امکان

کراچی میں آج مطلع ابر آلود رہنے اور تیز ہوائیں چلنے کا امکان ہے۔ محکمہ موسمیات کا کہنا ہے کہ کراچی میں صبح اور رات میں بوندا باندی اور ہلکی بارش کا بھی امکان ہے۔

محکمہ موسمیات نے بتایا ہے کہ شہر میں زیادہ سے زیادہ درجہ حرارت 32 سے 34 ڈگری سینٹی گریڈ تک جاسکتا ہے، کراچی میں سمندری ہوائیں 20 کلو میٹر فی گھنٹہ کی رفتار سے چل رہی ہیں جن میں نمی کا تناسب 78 فیصد ہے۔

محکمہ موسمیات کے مطابق کراچی میں سمندری ہوائیں 18 کلو میٹر فی گھنٹہ کی رفتار سے چل رہی ہیں جن میں نمی کا تناسب 78 فیصد ہے۔ محکمہ موسمیات کے مطابق شہر میں کم سے کم درجہ حرارت 28.2 ڈگری سینٹی گریڈ ریکارڈ ہوا ہے۔

دوسری جانب محکمہ موسمیات کے مطابق اسلام آباد میں آج بارش ہونے کا امکان ہے جبکہ چند علاقوں میں موسلادھار بارش ہونے کی بھی توقع ہے۔ راولپنڈی، مری، گلیات، جہلم، اٹک، چکوال، میانوالی، سرگودھا، گجرات، سیالکوٹ، شیخوپورہ، گوجرانوالہ، حافظ آباد، نارووال، لاہور، فیصل آباد، جھنگ اور ٹوبہ ٹیک سنگھ میں بارش ہونے کا امکان ہے۔

مزید پڑھیں:کراچی میں آج تیز ہواؤں اور گرج چمک کے ساتھ بارش کاامکان

پشاور، دیر، چترال، سوات، بونیر، شانگلہ، بٹگرام، ایبٹ آباد، مانسہرہ، ہری پور، مالاکنڈ، مردان، صوابی، باجوڑ، مہمند، کرم، خیبر، کوہاٹ، کرک، لکی مروت، بنوں، وزیرستان اور ٹانک میں بارش ہونے کی توقع ہے۔

محکمہ موسمیات کے مطابق سندھ میں بیشتر مقامات پر موسم گرم رہنے کا امکان ہے جبکہ سانگھڑ، عمر کوٹ، تھرپارکر، مٹھی اور میرپور خاص میں بارش ہونے کا امکان ہے۔ بلوچستان کے بیشتر اضلاع میں موسم گرم اور مرطوب رہنے کا امکان ہے لیکن بارکھان، موسی خیل، لورالائی، خضدار اور آواران میں بارش کی پیشگوئی کی گئی ہے۔