فیل لائیک ٹمپریچر کیا ہر فرد کے لئے الگ ہوتا ہے؟

فیل لائیک ٹمپریچر یا محسوس کیا جانے والا درجہ حرارت سے مراد وہ درجہ حرارت ہے جو انسانی جسم محسوس کرتا ہے یہ عام طور پر تھرمامیٹر کے زریعے پیمائش کئے جانے والے سے مختلف ہو تا ہے، جیسے تھرمامیٹر پر ناپا جانے والا درجہ حرارت اگر 41 ڈگری ہے تو ممکن ہے کہ محسوس کیاجانے والا درجہ حرارت 45 ڈگری ہو۔

اسکی سب سے بڑی وجہHumidity ہوا میں نمی کی ذیادتی ہو تی ہے۔انسان کا جسم خود کو ٹھنڈا رکھنے کے لیے پسینہ خارج کرتا ہے۔ لیکن جب ہوا میں نمی زیادہ ہو تو پسینہ جلد سے آسانی سے خشک نہیں ہوتااور جسم کی حرارت مؤثر طریقے سے خارج نہیں ہو پاتی۔ نتیجتاً انسان کو اصل درجہ حرارت سے زیادہ گرمی محسوس ہوتی ہے۔ اس کے علاوہ ہوا کی رفتار کم ہو تو بھی گرمی زیادہ محسوس ہوتی ہے۔

ماہرین کے مطابق فیل لائیک ٹمپریچر مختلف افراد کے لئے مختلف ہو سکتی ہے جو اسکی جگہ، عمر ،جسامت ، لباس اور اسکے رنگ، کے لحاظ سے مختلف ہو سکتی ہے۔

• بچوں اور بزرگوں کو گرمی مختلف محسوس ہو سکتی ہے۔
• صحت مند اور بیمار افراد کا احساس مختلف ہوتا ہے۔
• فربہ اور دبلے افراد پر گرمی کا اثر ایک جیسا نہیں ہوتا۔
• دھوپ اور سائے میں موجود افراد مختلف درجہ حرارت محسوس کرتے ہیں۔
• جسمانی مشقت کرنے والے افراد کو نسبتاً زیادہ گرمی محسوس ہوتی ہے۔
• جبکہ ہلکے رنگ کے کپڑے پہننے والوں کے مقابلے میں گہرے رنگ کے کپڑے زیادہ گرمی جذب کرتے ہیں۔

ماہرین کے مطابق جن لوگوں کا میٹابولزم تیز ہوتا ہے، ان کا جسم اندرونی طور پر زیادہ حرارت پیدا کرتا ہے اور انہیں گرمی زیادہ محسوس ہوتی ہے اسی طرح بند یا غیر ہوادار جگہ پر بھی گرمی کا احساس زیادہ ہوتا ہے۔