فضائی آلودگی انسانی دماغ کیلیے کیسے خطرناک ثابت ہورہی ہے؟

تحقیق سے ثابت ہوا ہے کہ فضائی آلودگی ماحول کو تباہ کرنے کے ساتھ ساتھ انسانی دماغ کے لئے بھی خطرناک ثابت ہو رہی ہے۔

ایکسپریس نیوز میں شائع ایک رپورٹ کے مطابق یو سی ڈیوس ہیلتھ اور صحت کی خدمات فراہم کرنے والی کمپنی کائزر پرمینینٹے کے محققین نے بتایا ہے کہ جنگلاتی آگ، فوسل فیول سے چلنے والے پاور پلانٹس، مصنوعی ذہانت یعنی اے آئی کے ڈیٹا سینٹرز اور زیادہ ایندھن خرچ کرنے والی گاڑیوں سے پیدا ہونے والی فضائی آلودگی کرہ ارض میں کلائیمٹ چینج کا سبب بننے کے ساتھ ساتھ انسانی دماغ کو بھی بری طرح متاثر کر رہی ہیں۔

ماہرین کا کہنا ہے کہ فضائی آلودگی’سیمینٹک میموری‘ کو متاثر کرتے ہیں، یہ روزمرہ زندگی میں معلومات، الفاظ اور مفہوم کو یاد رکھنے کی صلاحیت کا نام ہے۔ جو گفتگو، بات کو سمجھنے اور روزمرہ زندگی کے معمولات کو کامیابی سے انجام دینے کے لیے انتہائی اہم ہے۔

تحقیق کے مطابق جن افراد نے تقریباً 20 برس تک فضا میں موجود انتہائی باریک آلودہ ذرات کی زیادہ مقدار کا سامنا کیا، ان کی یاداشت پرکھنے کے لیے کیے جانے والے ٹیسٹ میں کارکردگی نمایاں طور پر کم رہی۔ ان ٹیسٹ میں لوگوں سے حقائق، الفاظ اور عمومی معلومات یاد رکھنے سے متعلق سوالات پوچھے گئے تھے۔

نتائج سے معلوم ہوا کہ زیادہ آلودگی کے شکار افراد کی کارکردگی نسبتا صاف ماحول میں رہنے والے افراد د سے کمزور تھی اور یہ تقریباً 10 سال ذیادہ عمر کے افراد کے برابر تھی۔