یو اے ای میں ملازمت کیلیے اپلائی کرنے کیلیے کونسی ویب سائٹس مستند ہیں؟

بیرون ملک بہترین ملازمت کے لئے پاکستانیوں میں متحدہ عرب امارات مقبول ممالک میں سے ایک ہے۔ جہاں ہر سال ہزاروں پاکستانی ورکرز بہتر تنخواہوں اور کیریئر میں ترقی کے لیے دبئی، ابو ظہبی، شارجہ اور دیگر امارات کا رخ کرتے ہیں۔

کسی بھی قسم کے فراڈ سے بچنے کے لئے کوشش کریں کہ صرف آفیشل یا سرکاری ویب سائیٹس کے زریعہ ہی اپلائی کریں، آفر لیٹر، تنخواہ کی تفصیل ، جاب رول کی وضاحت اور دیگر ضروری باتوں کی تصدیق لازمی کرلیں۔ کسی کو بھی جاب پراسسنگ کے نام پر رقم ادا نہ کریں۔

قانون کے مطابق آجر یا ایجنسی ویز، ریکروٹمنٹ یا میڈیکل کے لئے رقم طلب نہیں کر سکتی، یو اے ای میں ملازمت کے لئے ایمپلائر آپ کا ویزا اسپانسر کرے گا۔ صرف یو اے ای کی وزارت انسانی وسائل امارات کے جاری کردہ باضابطہ جاب لیٹر پر بھروسہ کریں ۔ اس پر درج ریفرینس نمبر کو سرکاری ویب سائیٹ پر جا کر ویری فائی کریں، کمپنی کا نام نیشنل اکنامک رجسٹر میں چیک کریں، غیر حقیقی تنخواہوں پر یقین نہ کریں، وزٹ یا ٹورست ویزا قبول نہ کریں، ان ویزوں پر جاب کرنا غیر قانونی ہے۔

پاکستان میں بیورو آف امیگریشن سے رجسٹرڈ ایجنٹس کے زریعے ہی درخؤاست دیں۔ اور اگر آپ کے ساتھ کسی قسم کا فراڈ ہو جائے تو دبئی پولیس کی اسمارٹ ایپ یا ان کی آفیشل ویب سائیٹ “ای کرائم پلیٹ فارم” پر شکایت درج کرائیں یا وزارت انسانی وسائل امارات کے ہیلپ لائن نمبر پر شکایت درج کرائیں۔

یو اے ای میں میں ملازمت کے لیے خواہش مند افراد کے پاس کم از کم 6 ماہ کے لیے کارآمد پاسپورٹ کا ہونا، اپ ڈیٹ ریزیومے، متعلقہ شعبے کی تعلیمی قابلیت، تجربہ و مہارت اور جسمانی طور پر فٹ ہونا شرط ہے۔

ٹیکس فری تنخواہیں، غیر ملکی ورکرز کی زیادہ مانگ، محفوظ کام کا ماحول، تیز رفتار ویزا پراسیسنگ اور کیریئر میں ترقی کے بہترین مواقع یو اے ای کو پرکشش بناتے ہیں۔ یو اے ای میں پاکستانیوں کے لئے کنسٹرکشن اور ڈرائیونگ اور لاجیسٹک، آئی ٹی پروفیشنلز، ہیلتھ کیئر اور ہوٹل انڈسٹری میں ملازمت کے بے شمار اور بہترین موقع موجود ہیں۔