-
-
مون سون کا نیا سسٹم کراچی کو اپنی لپیٹ میں لے سکتا ہے۔ اس حوالے سے ڈی جی محکمۂ موسمیات مہر صاحبزاد خان نے کہا ہے کہ آئندہ دنوں میں ایک اور مون سسٹم کراچی سمیت سندھ کو لپیٹ اپنی میں لے سکتا ہے۔
ڈی جی محکمۂ موسمیات مہر صاحبزاد خان نے نجی ٹی وی چینل سے گفتگو کرتے ہوئے کہا کہ خلیج بنگال میں آئندہ دنوں ہوا کے کم دباؤ کا امکان ہے جو کراچی پر بھی اثر انداز ہو سکتا ہے۔ انہوں نے کہا کہ موجودہ مون سون سسٹم کراچی کو متاثر نہیں کرے گا۔
مہر صاحبزاد خان کے مطابق پنجاب، گلگت بلتستان اور کے پی میں زیادہ شدت کی بارش کا امکان ہے، بارش کاسلسلہ مزید دو دن تک جاری رہ سکتا ہے۔ انہوں نے کہا کہ گلگت میں بابوسرٹاپ والے علاقے میں کافی جانی نقصان ہوا ہے، لاہور میں ایئرپورٹ کے علاقے میں صبح سے اب تک 108 ملی میٹربارش ہوئی۔
مزید پڑھیں:ملک میں بارشوں سے تباہی، مجموعی ہلاکتیں 233 ہوگئیں
واضح رہے کہ کراچی کے مختلف علاقوں میں بوندا باندی اور پھوار سے موسم خوشگوار ہو گیا ہے، لیاری، ماڑی پور روڈ، کلفٹن، ڈی ایچ اے فیز 2، یونیورسٹی روڈ، ٹیپو سلطان روڈ سمیت مختلف علاقوں میں بوندا باندی کا سلسلہ وقفے وقفے سے جاری ہے، محکمہ موسمیات کا کہنا ہے کہ آج شہر قائد میں ہلکی بارش کا بھی امکان ہے،
