-
-
سندھ کے محکمہ ایکسائز اینڈ ٹیکسیشن نے صوبے بھر میں رجسٹرڈ گاڑیوں کی ملکیت تبدیل کرنے کے لیے بائیو میٹرک کی شرط میں دو ماہ کی نرمی کا اعلان کیا ہے۔
حکام کے مطابق، 14 اگست 2025 تک فروخت کنندہ کے شناختی کارڈ کی بنیاد پر گاڑی کی ملکیت منتقل کرائی جا سکے گی۔
مزید پڑھیں؛سندھ حکومت نے گاڑیوں کی رجسٹریشن اور ٹرانسفر کیلئے بائیومیٹرک لازمی قرار دے دی
نوٹی فیکشن کے مطابق یہ اقدام عوامی سہولت کو مدنظر رکھتے ہوئے کیا گیا ہے، خاص طور پر ان افراد کے لیے جو بائیو میٹرک تصدیق کے عمل میں مشکلات کا سامنا کر رہے تھے۔
کراچی میں ایکسائز حکام نے تصدیق کی کہ نرمی کا اطلاق سندھ بھر میں رجسٹرڈ تمام گاڑیوں پرہو گا، جس سے ہزاروں گاڑی خریدنے اور فروخت کرنے والوں کو ریلیف ملے گا۔
