-
-
وزیراعظم شہباز شریف نے ملک میں توانائی کی ضروریات پوری کرنے اور پانی کے ذخیرے کا مؤثر نظام قائم کرنے کے لیے دیامر بھاشا ڈیم سمیت تمام بڑے آبی منصوبوں کو ترجیحی بنیادوں پر مکمل کرنے کی ہدایت دی ہے۔
وزیراعظم کی زیر صدارت دیامر بھاشا ڈیم اور دیگر آبی وسائل سے متعلق اعلیٰ سطح اجلاس ہوا، جس میں وفاقی وزراء، مشیران، وزیراعلیٰ گلگت بلتستان اور متعلقہ اعلیٰ سرکاری افسران نے شرکت کی۔
مزید پڑھیں؛ نہروں کی تعمیر پنجاب حکومت کا یکطرفہ اقدام ہے، وزیراعلیٰ سندھ
وزیراعظم کا کہنا تھا کہ پانی ذخیرہ کرنے کی صلاحیت میں اضافہ، زرعی مقاصد کے لیے پانی کی فراہمی اور سیلاب سے بچاؤ کے لیے نئے ڈیمز کی تعمیر ناگزیر ہے۔ ان کا کہنا تھا کہ ملک کی معاشی خود انحصاری کا انحصار سستی بجلی اور زراعت پر ہے، جس کے لیے پانی کے مؤثر استعمال اور اسٹوریج سسٹمز کو بہتر بنانا ہو گا۔
انہوں نے متعلقہ اداروں کو ہدایت کی کہ دیامر بھاشا ڈیم کی تعمیر میں حائل تمام رکاوٹوں کو فوری طور پر ختم کیا جائے اور منصوبے کو جلد از جلد مکمل کیا جائے۔
