-
-
پاکستان کی جانب سے گرائے جانے والے ڈرون اسرائیل ایرو اسپیس انڈسٹریز کے ڈیزائن کردہ ہاروپ ڈرون ہیں ۔ برطانوی نشریاتی ادارے کی ایک رپورٹ میں بتایا گیا ہے کہ آئی اے آئی کی ویب سائٹ کے مطابق ہاروپ ہائی لیول اہداف جیسے جنگی کشتیوں، کمانڈ پوسٹس، سپلائی ڈپو، ٹینکس اور ایئر ڈیفینس سسٹمز کو نشانہ بنانے کی صلاحیت رکھتا ہے۔
اسرائیل بزنس نیوز کی ایک رپورٹ کے مطابق ہر ہاروف ڈرون کی قیمت تقریبا 7 لاکھ امریکی ڈالر ہے۔ اس طرح پاکستان کے ہاتھوں تباہ ہونے والے 78 ہاروپ ڈرون کی قیمت 54.6 ملین ڈالر بنتی ہے ۔
خبر ایجنسی رائٹرز کے مطابق اپریکل 2025 میں بھارت نے فرانس کے ساتھ 7.4 بلین ڈالر کے 26 رافیل لڑاکا طیارے خریدنے کا معاہدہ کیا ہے۔ اس طرح بھارت کو ایک رافیل طیارہ 284.6 ملین ڈالر کا پڑا۔ اور تین طیاروں کی مالیت 853.8 ملین ڈالر تک جا پہنچتی ہے ۔ اسی طرح ایک نئے مگ 29 کی قیمت لگ بھگ 20 ملین امریکی ڈالر تک جبکہ ایک ایس یو-30 ایم کے آئی کی قیمت تقریباً 50 ملین امریکی ڈالر تک ہے ۔
یوں کل ملا کر بھارت کو اب تک صرف پانچ طیاروں اور 78 ڈرون کی مد میں 978.4 ملین ڈالر کا خسارا ہو چکا ہے جو بلاشبہ بھارت کے لئے ایک بڑا دھچکا ہے جس نے بھارتی فوج کی صلاحت کا پول تو کھول ہی دیا ہے مگر اس سے بڑھ کر اسرائیلی ساختہ ہاروپ ڈرون اور فرانسنی ساختہ رافیل طیاروں کی ساکھ کو بھی بڑا نقصان پہنچایاہےجو ان ممالک اور انکی ٹیکنالوجی کے لئے ناقا بل تلافی اور ہزیمت کا باعث بھی ہے ۔
