ملکۂ ترنم نور جہاں کے پوتے سکندر رضوی شادی کے بندھن میں بندھ گئے

ملکۂ ترنم نور جہاں کے پوتے سکندر رضوی رشتۂ ازدواج میں منسلک ہو گئے۔ فوٹو اینڈ ویڈیو شیئرنگ پلیٹ فارم انسٹا گرام پر اداکار کی کنٹریکچول میرج کی ویڈیو وائرل ہوگئی، ویڈیو میں میڈم نور جہاں کے پوتے سکندر رضوی ایرین نامی ہسپانوی لڑکی کے ساتھ شادی کے بندھن میں بندھتے ہوئے نظر آ رہے ہیں۔

وائرل تصاویر و ویڈیوز میں اداکار سفید شلوار قمیض اور ہلکی گلابی دستار پہنے نظر آئے، جبکہ ان کی ہسپانوی دُلہنیا نے پیچ (ہلے گلابی) لہنگے کا انتخاب کیا ہے۔

واضح رہے کہ 2015ء میں ریلیز ہونے والی فلم ’دیکھ مگر پیار سے‘ سے سکندر رضوی نے اداکاری کے میدان میں ڈیبیو کیا، اس کے بعد وہ 2017ء میں ریلیز ہونے والی فلم ’یلغار‘ میں سپورٹنگ کردار میں بھی دکھائی دیے، وہ اداکاری کے علاوہ کراچی میں دو ریسٹورانٹ بھی چلاتے ہیں۔