لی مارکیٹ میں 4 خواتین کا قتل،ملزم بلال نے ماں، بہن، بھابھی اور بھانجی کے قتل کااعتراف کر لیا

کراچی کے علاقے لی مارکیٹ  میں فلیٹ سے ملی چار خواتین کی لاشوں کے کیس کی تفتیش میں پیشرفت ہوئی ہے، جس کے مطابق گھر کا فرد ہی قاتل نکلا۔پولیس کا کہنا ہے کہ ملزم بلال نے اپنی والدہ، بہن، بھانجی اور بھابھی کو قتل کرنے کا اعتراف کرلیا

ملزم نے تیز دھار آلے سے ماں، بہن، بھانجی اور بھابھی کو قتل کیا۔پولیس حکام کا کہنا ہے کہ ملزم بلال اس سے پہلے اپنی اہلیہ کو طلاق دے چکا ہے، ملزم کے اعتراف جرم کے بعد مقدمہ درج کیا جا رہا ہے

قتل کی گئی خواتین میں ماں، بیٹی، نواسی اور بہو شامل تھیں، جن کی عمریں 13، 18، 19 اور 51 سال تھیں۔