-
-
اسٹیٹ بینک آف پاکستان نے پرانے ڈیزائن کے کرنسی نوٹ تبدیل کروانے کی مدت میں ایک سال کی توسیع کردی ہے۔ اسٹیٹ بینک نے وفاقی حکومت کی سفارش پر نوٹ تبدیل کروانے کی تاریخ میں توسیع کی ہے۔عوام اب 31 دسمبر 2022 تک پرانے 10، 50، 100 اور 1000 روپے کے پرانے کرنسی نوٹ تبدیل کرواسکتے ہیں۔ اس سے قبل نوٹ تبدیل کروانے کی آخری تاریخ 31 دسمبر 2021 تھی۔
اسٹیٹ بینک آف پاکستان کے اعلامیہ کے مطابق عوام کی سہولیات کی خاطر وفاقی حکومت کی طرف سے نوٹ تبدیل کروانے کے لئے آخری مرتبہ توسیع کی گئی ہے اور عوام سے درخواست کی جاتی ہے کہ 31 دسمبر 2022 تک پرانے ڈیزائن کے کرنسی نوٹ تبدیل کروالیں۔ مقررہ تاریخ گزرنے کے بعد پرانے ڈیزائن کے نوٹ منسوخ تصور ہوں گے اور انہیں تبدیل بھی نہیں کروایا جاسکے گا۔
