پاکستان کی 75ویں سالگرہ پر حکومت کا 75 روپے کا یادگاری نوٹ جاری کرنے کا فیصلہ

پاکستان کے قیام کی رواں سال پلاٹینیئم جوبلی منائی جائی گی۔ ملک کے قیام کے 75 سال مکمل ہونے پر حکومت نے 75 روپے کے یادگاری نوٹ چھاپنے کا فیصلہ کیا ہے۔

وزارت خزانہ نے 75 روپے کا نوٹ چھاپنے کا نوٹی فکیشن جاری کردیا ہے۔ وفاقی کابینہ کے فیصلے کے مطابق 75 روپے کے نوٹ کے ڈیزائن کی منظوری بھی دے دی گئی ہے۔

وزارت خزانہ نے اسٹیٹ بینک کو 75 روپے کا نوٹ چھاپنے سے آگاہ کردیا ہے۔ نوٹی فکیشن میں بتایا گیا ہے کہ 75 روپے کے نوٹ کی چھپائی مقامی کاغذ پر ہوگی۔