-
-
بھارت نیوزی لینڈ کے بعد آسٹریلیا کے دورہ پاکستان میں بھی رکاوٹیں حائل کرنے لگا۔ بھارت نے آسٹریلوی کھلاڑی کے خاندان کو دھمکیاں دے دیں۔
میڈیا رپورٹس کے مطابق 24 سال بعد پاکستان آنے والی آسٹریلوی کرکٹ ٹیم کو دھمکی آمیز پیغامات موصول ہوئے ہیں، آسٹریلوی ٹیم کے ایک رکن کی فیملی کو انسٹا گرام پر دھمکیاں دی گئیں۔
آسٹریلوی کھلاڑی کو پاکستان میں کھیلنے پر سنگین نتائج کی دھمکی دی گئی، دھمکیاں انسٹا گرام پر جعلی اکاؤنٹ سے دی گئیں۔
دھمکیوں کے پیچھے بھارتی گجرات میں مقیم مرائدل تیواڑی ملوث نکلا، مرائدل تیواڑی بھارتی گجرات میں آئی ایم سی لمیٹڈ میں انوائرمینٹل، ہیلتھ اور سیفٹی آفیسر ہے۔
خیال رہے کہ پاکستان میں انٹرنیشل کرکٹ روکنے کیلئے بھارت یہ طریقہ پہلے بھی استعمال کرچکا ہے دورہ پاکستان پر آئی نیوزی لینڈ کرکٹ ٹیم کے اہلخانہ کو بھی اسی طرح دھمکیاں دی گئیں، نیوزی لینڈ کے بعد انگلش کرکٹ بورڈ نے بھی اپنا شیڈول دورہ ملتوی کردیا تھا۔
