-
-
ایئر پورٹس سیکیورٹی فورس (اے ایس ایف) نے اسلام آباد ایئر پورٹ پر 2 کارروائیوں کے دوران بھاری مالیت کی منشیات برآمد کر لی اور 2 ملزمان کو گرفتار کر لیا۔
میڈیا رپورٹ کے مطابق اے ایس ایف نے ریاض جانے والے مسافر سے 1 اعشاریہ 85 کلو گرام ہیروئن برآمد کر لی جبکہ دوحہ جانے والے مسافر سے 2 اعشاریہ 198 کلو گرام حشیش برآمد کر لی۔
ملزم عادل خان نے بیگ کے اندر کچن کٹنگ بورڈ میں ہیروئن اور ملزم شان علی نے بیگ میں حشیش مہارت سے چھپا رکھی تھی۔اے ایس ایف کے عملے نے سامان کی تلاشی کے دوران منشیات برآمد کر کے اسمگلنگ کی یہ کوششیں ناکام بنا دیں۔
ملزمان کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اے این ایف حکام کے حوالے کر دیا گیا ہے۔
