وزیراعلی پنجاب کسان کارڈ رجسٹریشن کا آغاز،کاشتکارکارڈ سےکھاد،بیج اور دیگراشیا خرید سکیں گے، مریم نواز

وزیرِ اعلیٰ پنجاب مریم نواز نے کہا ہے کہ کاشتکاروں کے لیے کسان کارڈ کا آغاز کر دیا گیا ہے۔ایک بیان میں مریم نواز نے کہا کہ کسانوں کوسالانہ 300 ارب روپے کے قرضے دیے جائیں گے، ہر کسان ایک فصل کے لیے ڈیڑھ لاکھ روپے تک قرض حاصل کر سکے گا۔

انہوں نے کہا کہ کسان کارڈ سے کھاد، بیج اور دیگر اشیاء خرید سکے گا، 5 لاکھ کاشتکار کسان کارڈ سے مستفید ہوں گے۔مریم نواز کا کہنا ہے کہ ساڑھے 12 ایکڑ تک اراضی رکھنے والے کسان کارڈ رجسٹریشن کے اہل ہوں گے۔

وزیراعلیٰ پنجاب کا کہنا تھا کہ کسان کارڈ کے لئے زمین کا اراضی ریکارڈ سنٹر میں رجسٹرڈ ہونا اور کاشتکار کے اپنے شناختی کارڈ نمبر پرموبائل سم کا رجسٹرڈ ہونا لازم ہے۔کاشتکار کے شناختی کارڈ نادرا ریکارڈ سے تصدیق کی جائیگی ،کاشتکار کسی مالیاتی ادارے کا نا دہندہ نہ ہو-مریم نواز شریف

مریم نواز نے کہا کہ کاشتکار بلاسود قرضے کی آسان اقساط 6ماہ  میں واپس کرےگا۔قرض کی ادائیگی کے بعد کاشتکار اگلی فصل کے لئے دوبارہ قرض حاصل کرنے کااہل ہوگا۔کاشتکاروں کی خوشحالی اور پیداوار میں اصافہ ہمارا عزم ہے

Hurmat Majid