پاکستان کی غزہ کے متاثرین کیلئے امداد، خیمے، کمبل، دواؤں سمیت متعدد سامان لے کر طیارہ مصر پہنچ گیا

فلسطین کے شہر غزہ میں اسرائیلی جارحیت سے ہزاروں افراد متاثر ہوئے اور متاثرین امداد کے منتظر ہیں۔ پاکستان کی جانب سے بھیجی جانے والی امداد مصر پہنچ گئی۔

غزہ کے لیے پاکستان کی انسانی امداد مصر کے العریش انٹرنیشنل ائیرپورٹ پہنچ گئی۔ غیر ملکی خبر رساں ادارے کے مطابق  العریش ائیر پورٹ غزہ سے 40 کلومیٹر کے فاصلے پر واقع ہے۔

 پاکستان سے 90 ٹن انسانی اور طبی امداد لےکر خصوصی طیارہ مصر پہنچا ہے جہاں مصر میں پاکستان کے سفیر ساجد بلال نے امداد مصری ہلال احمر سوسائٹی کے سپرد کی۔

Pak humanitarian assistance aircraft sent by NDMA carrying 90 tons of relief items & medical aid has landed at Al-Arish, Egypt. Pak Amb handed over aid to the Egyptian Red Crescent Society for onward delivery to Gaza, Palestine. #ndmapk #humanitarianaid pic.twitter.com/rla1RUihJf

— NDMA PAKISTAN (@ndmapk) October 20, 2023

پاکستان کی جانب سے فلسطینی عوام کی امداد کیلئے روانہ کیے جانے والے امدادی سامان میں ایک ہزار خیمے، 4 ہزار کمبل اور 3 ٹن دوائیں شامل ہیں۔

پاکستان کی جانب سے فلسطینی عوام کی امداد کیلئے پاک فوج اوراین ڈی ایم اے کی امدادی اشیاء کی پہلی کھیپ اسلام آباد سے مصر پہنچ چکی ہے جہاں رفاح کراسنگ کھلنے کے بعد امدادی اشیاء غزہ میں داخل ہو سکیں گی۔

پاکستانی سفارتخانے کا کہنا ہےکہ پاکستان اس نازک موڑ پر فلسطینی عوام کے ساتھ کھڑا ہے، پاکستان فلسطینیوں کو ضروری امدادی سامان بھیجتا رہے گا۔