-
-
وزیراعلی سندھ مرادعلی شاہ نے سندھ کے دوسرے بڑے شہر حیدرآباد میں ایشیا کی پہلی مینٹل ہیلتھ یونیورسٹی بنانے کا اعلان کردیا۔ وزیراعلی نے منصوبے کو جلد مکمل کرنے کی ہدایت بھی کردی۔
وزیراعلیٰ سندھ مراد علی شاہ نے حیدرآباد میں سَر کاواس جی جہانگیر انسٹیٹیوٹ آف سائیکاٹری اینڈ بیہیویورل سائنسز میں (او پی ڈی) کمپلیکس اور فیمیل وارڈ کی افتتاحی تقریب سے خطاب کیا۔
Hyderabad: Sindh CM Syed Murad Ali Shah announces to establish first ever Mental health services university ….. #WHO #PPP pic.twitter.com/2Po7VZlQGw
— Sindh Chief Minister House (@SindhCMHouse) December 17, 2022
تقریب سے خطاب کرتے ہوئے مراد علی شاہ کا کہنا تھا کہ میں اعلان کررہا ہوں یہاں پر ایشیا کی سب سے بڑی مینٹل ہیلتھ یونیورسٹی بنائیں گے اور اِس منصوبے کو پاکستان پیپلز پارٹی کی حکومت پُورا کرے گی۔
وزیراعلیٰ سندھ نے تقریب میں موجود صوبائی وزیر جامعات اسماعیل راہو کو مخاطب کرتے ہوئے کہا کہ ”اسماعیل صاحب ہمیں یہ یونیورسٹی جلدی بنانی ہے اِس پر کام شروع کریں، یہ نہیں کہ بنتی رہے گی بناکر بھی دیکھائیں گے“۔
خیال رہے صوبائی حکومت کی جانب سے حیدرآباد کے 150 سال پرانے سرکاواس جی جہانگیر انسٹی ٹیوٹ آف سائیکاٹری اینڈ بیہیویورل سائنسز کواَپ گریڈ کرکے یونیورسٹی کا درجہ دیا جائے گا۔
