کتنے ٹن کا اے سی کس سائز کے کمرے کیلیے موزوں ہو تا ہے؟

اے سی میں “ٹن” کا مطلب ہے ٹھنڈک پیدا کرنے کی صلاحیت یا کولنگ کیپیسٹی۔ یہ ہمیں بتاتا ہے کہ ایک گھنٹے میں اے سی کتنی گرمی یا ہیٹ کمرے سے باہر نکال کر کمرے کو ٹھنڈا کر تا ہے۔

1 ٹن کا ائر کنڈیشن 12,000 بی ٹی یو گرمی فی گھنٹہ نکالتا ہے۔ جبکہ 1.5 ٹن کا اے سی 18000 بی ٹی یو اور 2 ٹن کا اے سی 24000 بی ٹی یو فی گھنٹہ کے حساب سے گرمی کمرے سے نکالنے کی صلاحیت رکھتا ہے۔

یہاں بی ٹی یو کا مطلب برٹش تھرمل یونٹ ہے آپ اسے گرمی ناپنے کا پیمانہ بھی کہہ سکتے ہیں جو ایک پرانے تصور سے جڑا ہے یعنی ایک ٹن برف کو پگھلانے کے لیے 24 گھنٹوں میں کتنی توانائی درکار ہوتی ہے، اسی سے اے سی کے 1 ٹن کی بنیاد رکھی گئی۔

عام طور پر ایک ٹن کا اے سی 100 سے 150 مربع فٹ کے کمرے کے لئے کافی ہو تاہے، کمرہ درمیانہ ہو تو ڈیڑھ اور بڑا یعنی 250 اسکوائر فٹ سے زیادہ ہو اس کے لئے 2 ٹن یا اس سے زیادہ کا اے سی مناسب رہتا ہے۔

درست ٹن کے اے سی کا انتخاب نہ صرف مؤثر ٹھنڈک فراہم کرتا ہے بلکہ بجلی کے بل میں کمی اور مشین کی لمبی عمر کے لیے بھی ضروری ہے۔ عموما گرم اور مرطوب علاقوں جیسے کراچی یا لاہورمیں بیڈ روم کے لئے زیادہ ٹنیج والا اے سی لینا بہتر ہوتا ہے۔ تاہم کم استعمال والے کمروں جیسے گیسٹ روم میں کم ٹن والا اے سی بھی کافی ہوتا ہے۔ تاہم بہتر یہی ہے کہ اسی لئے اے کی خریداری سے قبل کسی ماہر سے مشورہ ضرور کر لیں۔