-
-
یو ایس ایف ڈی اے نے ZYN کے 20 نکوٹین پاؤچز کو امریکہ میں کم خطرے کے دعوے کے ساتھ مارکیٹ کرنے کی اجازت دے دی ہے۔
یو ایس فوڈ اینڈ ڈرگ ایڈمنسٹریشن (US FDA) نے ZYN کے 20 نکوٹین پاؤچز کو امریکہ میں مخصوص کم خطرے سے متعلق معلومات (موڈیفائید رسک ٹوبیکو پروڈکٹ آرڈرز) کے ساتھ مارکیٹ کرنے کی اجازت دے دی ہے یہ منظوری ایک تفصیلی سائنسی جائزے کے بعد دی گئی ہے۔ یہ اجازت صرف انہی 20 ZYN نکوٹین پاؤچز کے لیے ہے جن کا ایف ڈی اے نے جائزہ لیا ہے اس کا اطلاق کسی دوسری نکوٹین یا تمباکو کی مصنوعات پر نہیں ہوتا۔
ایف ڈی اے نے اپنے جائزے میں یہ دیکھا کہ یہ مصنوعات سگریٹ کے مقابلے میں صحت پر کس حد تک کم خطرہ رکھتی ہیں، صارفین ان سے متعلق دی جانے والی معلومات کو کس طرح سمجھتے ہیں، نوجوانوں پر ان کے ممکنہ اثرات کیا ہو سکتے ہیں اور مجموعی طور پر عوامی صحت پر ان کا کیا اثر پڑ سکتا ہے۔
اس جائزے کے بعد ایف ڈی اے نے کہا کہ اگر بالغ سگریٹ نوش افراد مکمل طور پر سگریٹ چھوڑ کر ان مخصوص ZYN نکوٹین پاؤچز پر منتقل ہو جائیں تو ان میں سگریٹ نوشی سے جڑی کئی سنگین بیماریوں کا خطرہ کم ہو سکتا ہے۔
اب امریکہ میں ان مصنوعات کے ساتھ ایف ڈی اے کی منظور شدہ یہ معلومات دی جا سکے گی کہ،”اگر بالغ سگریٹ نوش افراد سگریٹ کے بجائے ZYN استعمال کریں تو انہیں منہ کے کینسر، دل کی بیماری، پھیپھڑوں کے کینسر، فالج، نفخ اور دائمی برونکائٹس جیسے امراض کا خطرہ سگریٹ نوشی جاری رکھنے کے مقابلے میں کم ہو سکتا ہے۔“
ایف ڈی اے کے سینٹر فار ٹوبیکو پروڈکٹس کے قائم مقام ڈائریکٹر بریٹ کوپلو نے کہا کہ اس فیصلے کا مقصد بالغ سگریٹ نوش افراد کو مختلف نکوٹین مصنوعات کے بارے میں سائنسی بنیادوں پر درست معلومات فراہم کرنا ہے تاکہ وہ بہتر اور باخبر فیصلے کر سکیں۔انہوں نے مزید کہا کہ یہ اجازت صرف ان مخصوص مصنوعات تک محدود ہے جن کا ایف ڈی اے نے مکمل سائنسی جائزہ لیا ہے۔
موڈیفائیڈ رسک گرانٹڈ آرڈرز (Modified Risk Granted Orders) کے بارے میں مزید معلومات ایف ڈی اے کی ویب سائٹ پر دستیاب ہیں۔ پی ایم آی کے بارے میں مزید معلومات کے لیے www.pmi.com اور www.pmiscience.com ملاحظہ کریں۔
