اب ہر بچے کے علیحدہ علیحدہ ب فارم، کس کس عمر میں ب فارم دوبارہ بنوانا ہو گا؟

ب فارم پیدا ہونے والے ہر بچے کا ایک بنیادی ڈاکومینٹس ہے۔ قانون کے مطابق والدین بچے کی پیدائش کے ایک ماہ کے اندر یونین کونسل میں بچے کی پیدائش کا اندراج کرواکر اسکا ب فارم بنوانے کے پابند ہیں۔

ماضی کے بر عکس اب ہر بچے کے علیحدہ علیحدہ ب فارم بنے گا اور اٹھارہ برس کی عمر تک ہر بچے کا تین مختلف طرح کا ب فارم بنوانا ہو گا۔ تین سال سے کم عمر بچوں کا نادرا دفتر میں ضروری نہیں ہے تاہم تین سال سے اٹھارہ سال کے بچوں کا ب فارم کے لئے اپلائی کرتے وقت نادرا آفس میں آنا ضروری ہے۔

3 سال تک کے بچوں کا سادہ ب فارم بنے گا جبکہ 3 سے 10 برس تک کے بچوں کی تصویر بھی ب فارم پر لگے گی جبکہ 10 سال سے 18 برس کے بچوں کے ب فارم میں تصویر لگنے کے ساتھ ان کے فنگر پرنٹس بھی لئے جائیں گے اور آنکھوں کے عکس یعنی آئرس کو بھی لازمی قرار دیا گیا ہے۔

ب فارم بنوانے کے لئے والدین کا شناختی کارڈ لازمی ہے اور بچے کے لے پالک ہونے کی صورت میں تو قانونی سرپرست کا شناختی کارڈ بمعہ سرپرستی کا قانونی دستاویزی ثبوت اور یونین کونسل یا کنٹونمنٹ بورڈ سے جاری کردہ بچے کا کمپیوٹرائز پیدائیش یا سٹیزن شپ سرٹیفیکیٹ کی ضرورت ہو تی ہے۔

ضروری دستاویزات کے ہمراہ نادرا آفس جائیں والدین میں سے کسی ایک کی بائیو میٹرک تصدیق کے بعد پھر بچے کے کوائف درج کئے جائیں گے، عمر کے مطابق بچے کے فنگر پرنٹ تصویر اورآنکھیں اسکین کرائیں آپکی شریک حیات کا بائیو میٹرک کراکے فارم کی تصدیق کروائیں اورا گر بچہ لے پالک ہے تو فارم کا پرنٹ لیں گزیٹڈ آفیسر یا عوامی نمائندے سے اسکی تصدیق کرائیں۔

درخواست منظور ہونے پر موبائل فون پر پیغام آئے گا ، اب نادرا آفس یا آن لائن فیس جمع کر ائیں ۔ اور دن مکمل ہو نے پر اپنا ب فارم وصول کریں۔ آپ چاہیں تو یہ تمام کام اپ گھر بیٹھے نادرا کی پاک آئی ڈی سے خود بھی کر سکتے ہیں۔