جدید زمانے کے نئے آئن لائن فراڈ سے کیسے محفوظ رہیں؟

ڈیجیٹل سہولیات نے زندگی کو آسان تو بنا دیا ہے تاہم یہی سہولیات زرا سی لاپرواہی پر ہمارے لئے بڑی مصیبت کا سبب بھی بن سکتی ہے۔

ہاں مگر احتیاط ، سمجھداری اور سوچ سمجھ کر کیا گیا عمل ہمیں جدید زمانے کےفراڈ یعنی اسکیمنگ اور فشنگ سے محفوظ رکھ سکتا ہے۔ فشنگ دھوکہ دہی کا ایک طریقہ کار ہے جس میں آپ کو جعلی ای میلز،میسجز یا ویب سائٹس کے ذریعے دھوکہ دیا جاتا ہے تاکہ آپ سے آپ کی ذاتی معلومات جیسے او ٹی پی، پاس ورڈز، بینک کی تفصیلات وغیرہ حاصل کی جا سکیں۔

یہ اسکیمز اس قدر ہوشیاری سے کئے جاتے ہیں کہ آپ فوری طور کسی بھی فراڈیے کی باتوں میں آسانی سے آکر اس کے سوالوں کے جواب اور اس کے کہنے پر عمل کرتے چلے جاتے ہیں یا بعض اوقات کرنے پر مجبور ہو جاتے ہیں اور جب ہوش آتا ہے تو نقصان ہو چکا ہوتا ہے اور آپ سر پکڑ کر بیٹھے ہوتے ہو کہ یہ کیا ہو گیا اور ،، مجھ سے کیسے ہو گیا۔ کسی قراندازی میں انعام نکل آنا، بے نظیر انکم سپورٹ پروگرام یا کسی اور اسکیم میں رقم یا کسی خوشخبری سے متعلق میسج کا آںا معمول بن گیا ہے۔

بعض اوقات تجسس بھرے پیغام بھی موصول ہوتے ہیں مگر یاد رکھیں فشنگ سے بچنے کے لئے کبھی بھی کسی مشکوک لنکس پر ہر گز کلک نہ کریں سوشل میڈٰیا، ایس ایم ایس یا ای میل میں موصول ہونے والے مشکوک لنکس آپ کی معلومات یا ڈیٹا چوری کر سکتے ہیں۔ ہمیشہ میسج ، ای میل ، ایس ایم ایس یا لنک بھیجنے والے کی تصدیق کریں۔ بلکہ جاننے والوں کی جانب سے آنے والے مشکوک میسجز اور لنک کو بھی کلک کرنے سے پرہیز کریں ، ہو سکتا ہے انکا اکاونٹ بھی ہیک ہو چکا ہو۔

بنا تحقیق کسی کو بھی اپنی ذاتی معلومات جیسے کہ پاس وڈ، شناختی کارڈ نمبر اور بینک کی تفصیلات وغیر فراہم نہ کریں۔ اور ایسے لنکس یا میسجز کو فوری طور پر رپورٹ کریں یاد رکھیں، پی ٹی اے یا کوئی اور ادارہ آپ سے کبھی بھی فون پر پن کوڈ ، او ٹی پی، پاسوڈ یا اس طرح کی معلومات نہیں پوچھتا ہے اس لئے احتیاط کریں۔