پولیس ویریفکیشن سرٹیفکیٹ کا حصول اب ہوا آسان، گھر بیٹھے اپلائی کریں

پاکستان یا بیرون ملک ملازمت کا معاملہ ہو، کرایہ دار کی تصدیق یا پھر کوئی قانونی تنازع پولیس ویری فکیشن سرٹیفکیٹ کی ہمیشہ ہی ضرورت پڑتی ہے۔

ماضی میں اس کا حصول اتنا آسان نہ تھا، کئی کئی بار پولیس اسٹیشن کے چکر کاٹنے پڑتے تھے کبھی کسی ڈاکومینٹس کی کمی کا جواز تو کبھی صاحب کی غیر موجودگی کا مسئلہ درپیش رہتا، مگر اب شہریوں کی آسانی کے لئے سندھ پولیس نے پولیس ویری فکیشن سرٹیفکیٹ کا حصول نہایت آسان اور تیز رفتار بنادیا ہے۔ جی ہاں اب آپ سرٹیفیکیٹ کے لئے گھر بیٹھے اپلائی کر سکتے ہیں اور تیار ہونے کی صورت میں متعلقہ آفس جاکر وصول کر سکتے ہیں

سرٹیفیکیٹ کے لئے سندھ پولیس کی آفیشل ویب سائیٹ (www.sindhpolic.gov.pk)پر جائیں اور ہوم پیج پر موجود آن لائن سروسز کو منتخب کریں اور پھر پولیس ویری فکیشن پر کلک کریں اگر پہلی بار اپلائی کر رہے ہیں تو نیو ایپلیکیشن پر کلک کریں اور سامنے آنے والے فارم کو اچھی طرح پر کریں اسمیں آپ کواپنی ذاتی معلومات درج کرنا ہو گی جیسے نام ، والد کا نام ، فون نمبر ، ایڈریس موجودہ گھر پر کب سے رہائش پزیر ہیں۔ ضلع کونسا ہے۔

اگر پاکستان کے لئے سرٹیفیکیٹ درکار ہے تو ملک کے خانے میں پاکستان منتخب کریں اور اگر آپکو سرٹیفیکیٹ کسی دوسرے ملک کے لئے درکار ہے تو اس ملک کا انتخاب کریں اگلے مرحلے میں دو گارنٹر کی ڈیٹیل درج کرنا ہو گی اور تیسرے مرحلے میں ضروری ڈاکومنٹس جیسے پاسپورٹ سائز تصاویر ، یوٹیلیٹی بل کی کاپی ، اور ویری فکیشن سے متعلق درخواست اپلوڈ کریں اور سبمٹ کر کلک کریں

عام طور پر 3 سے 7 ورکنگ ڈیز میں سرٹیفیکیٹ تیار ہو جاتا ہے جس کے بعد متعلقہ DIG یا SSP آفس سے اپنا سرٹیفیکیٹ حاصل کیا جا سکتا ہے۔