نادرا کا اسلحہ لائسنس کی میعاد کا نیا نظام متعارف

اب اسلحہ لائسنس رکھنے والا ہر شہری پورے پانچ برس لائیسنس کی میعاد کا فائدہ اٹھا سکے گا وفاقی وزارت داخلہ کی ہدایت پر نادرا نے شہریوں کی سہولت کے لئے وفاقی اسلحہ لائسنس کے میعاد کا نیا نظام متعارف کرادیا ہے۔

سابقہ نظام کے تحت تمام شہریوں کے پاس موجود اسلحہ لائیسنس خواہ وہ جس تاریخ کو بھی جاری ہوا ہو یا کبھی بھی اسکی تجدید ہوئی ہو تمام لائیسنس کی معیاد 31 دسمبر کو ختم ہو جاتی تھی اور اسکے بعد بڑی تعداد میں تجدید کی درخواستیں ایک ساتھ جمع ہونے سے اسکا انبار لگ جاتا تھا۔

لائیسنس کی تجدید بتدر یج ہوتی تھی اور پھر جسکی جب باری آتی اسکے اتنے دن ضائع ہو جاتے یا پھر جو شہری تاخیر سے درخواست جمع کراتے تھے وہ اپنے لائیسنس کے پورے پانچ سال کی معیاد سے فائدہ اٹھانے سے محروم رہ جاتے تھے۔

تاہم اب نادرہ نے اسلحہ لائیسنس کے نظام کو مکمل طور پر ڈیجیٹلائیز کرتے ہوئے شہریوں کے لئے اسلحہ لائیسنس کا اجراء اور تجدید کا طریقہ کار انتہائی آسان کر دیا ہے، نئے نظام کے تحت اب لائیسنس کا اجراء یا تجدید جس تاریخ کو ہوگی اس روز سے پانچ سال تک لائیسنس کی میعاد موثر رہے گی اور شہری پورے پانچ برس اس کا فائدہ اٹھا سکیں گے۔

یعنی اب ہر نیا بننے والا یا تجدید شدہ لائیسنس پورے 365 دن قابل استعمال یا ویلڈ رہے گا۔