-
-
کراچی ایکسپو سینٹر میں علم، ٹیکنالوجی اور جدت کے سب سے بڑے میلے “کراچی انٹرنیشنل بُک اینڈ ایڈ ٹیک فیئر (KIBTF) 2026” کا آغاز ہوگیا ہے۔ پہلے روز ہی عوام کی بڑی تعداد نے میلے میں شرکت کی ہے۔
ایم ٹیک سسٹمز، اردو اکیڈمی سندھ اور اوربٹ ایڈورٹائزنگ کے اشتراک سے منعقدہ اس تین روزہ میلے میں کتابوں کے ساتھ ساتھ جدید ترین ٹیکنالوجی کا سنگم دیکھنے میں آ رہا ہے، میلے کی سب سے بڑی کشش “روبوتھون 3.0” ہے، جہاں ایونٹ کے پہلے دن بچوں کی بڑی تعداد نے روبوٹکس مقابلوں میں جوش و خروش سے حصہ لیا۔
بک اینڈ ٹیک فئیر کے پہلے روز متعدد اہم نشستوں کا انعقاد کیا گیا، جن میں ماہرین تعلیم، پالیسی سازوں اور مصنفین نے شرکت کی، ان سیشنز میں مصنوعی ذہانت اور مستقبل کی تعلیم، اسٹیم اور ہیومن لرننگ، ایک نصاب تعلیم، ایجوکیشن جرنلزم اور تاریخ اور ٹیکنالوجی کے علاؤہ ٹیچرز ٹریننگ کے سیشنز بھی منقعد ہوئے۔
میلے کی خصوصیات
علیمی کہکشاں:
200 سے زائد بُک اور ایڈ ٹیک اسٹالز پر کتابوں اور جدید ڈیجیٹل تعلیمی آلات کی نمائش۔
عالمی شرکت:
75 سے قومی و بین الاقوامی ادارے اپنی خدمات پیش کر رہے ہیں۔
:انٹرایکٹو زونز
شہریوں کے لیے ‘لائیو روبوٹ میکنگ’ زون جہاں وہ اپنا پہلا روبوٹ تیار کرنے کا تجربہ حاصل کر رہے ہیں۔
