سپر النینو دنیا کیلیے خطرہ، کراچی میں اسکے کیا اثرات پڑ سکتے ہیں؟

کراچی میں رواں برس گرم اور خشک موسم غالب رہے گا، درجہ حرارت ریکارڈ سطح تک پہچنے کا امکان ہے جو شدید ہیٹ ویو کا باعث بن سکتا ہے اور یہ سب اثرات النینو کے باعث ہیں۔

الینیو ٹراپیکل بحرالکاحل میں درجہ حرارت کی تبدیلی سے پیدا ہونے والا ایک پیچیدہ موسمی پیٹرن ہے جس کے اثرات پوری دنیا پر مرتب ہو تے ہیں۔ ماہرین کے مطابق النینو کے دوران بحرالکاہل کا پانی غیر معمولی حد تک گرم ہو جاتا ہے جس سے دنیا بھر کا درجہ حرارت معمول سے بڑھ جاتا ہے۔ کراچی میں حالیہ مون سون سسٹم میں تبدیلیاں، درجہ حرارت میں اضافہ اور طوفان کے پیٹرن اسی نظام کے باعث ہیں۔

ڈپٹی ڈائریکٹر محکمہ موسمیات انجم ضیغم کے مطابق اگر عام حالات کے مقابلے میں سطح سمندر کا درجہ حرارت 3.4 ڈگری بڑھ جاتا ہے تو اسے سپر النینو کہتے ہیں۔ اگست اور ستمبر میں النینو کا سپر النینو میں تبدیل ہو نے کا امکان ہے جس کی وجہ سے نہ صرف رواں برس بلکہ 2027 میں بھی ہیٹ ویو اور خشک سالی کا خطرہ ہے۔

مزید پڑھیں:کراچی میں آج شدید گرمی، اکتوبر میں ہیٹ ویو کا خدشہ

اس سے قبل سال 2023 میں بھی کراچی کے باسیوں نے النینو کے زیر اثر غیر معمولی موسمی تبدیلیاں محسوس کی تھیں ، جبکہ اس کے شدید اثرات 1998 سے 2002 کے دوران شدید خشک سالی کی صورت میں نظر آئے تھے۔

بی بی سی کی ایک رپورٹ کے مطابق النینو میں گرم پانی سطح کے قریب رہتا ہے اسکے نتیجے میں گیلی اور گرم ہوا پیدا ہو تی ہے جو ماحول کو مذید گرم کر دیتی ہے۔ النینو کی وجہ سے پیدا ہونے والے شدید موسمی اثرات خوراک اور توانائی کے نظام کو متاثر کر تے ہیں دریاوں میں پانی کم ہو سکتا ہے اور گندم ، چاول اور کپاس کی پیداوار متاثر ہو سکتی ہے۔

عام طور پر النینو دو سے سات سال بعد رونما ہو تے ہیں مگر اب یہ جلدی جلدی آرہے ہیں۔ ماہرینِ موسمیات نے خبردار کیا ہے کہ رواں سال دنیا بھر کی طرح پاکستان میں بھی سپر النینو کے ممکنہ اثرات خوراک اور معیشت دونوں کے لئے نقصان ہ ثابت ہو سکتے ہیں۔