سال 2025 کی مقبول ترین ویڈیو گیمز کی فہرست

سال 2025 کی مقبول ترین گیمز میں ’روبلوکس‘ نے میدان مار لیا، فورٹ نائٹ اور پب جی بھی پیچھے نہ رہے۔ سال 2025 گیمنگ کی دنیا کے لیے ایک انقلابی سال ثابت ہوا ہے، جہاں جدید ٹیکنالوجی اور ورچوئل ریئیلٹی نے کھلاڑیوں کو اپنے سحر میں جکڑے رکھا۔

2025 کی مقبول گیمز:

روبلوکس (Roblox)

38 کروڑ (380 ملین) ماہانہ فعال صارفین کے ساتھ روبلوکس 2025 کا سب سے مقبول گیم بن کر ابھرا ہے، یہ صرف ایک گیم نہیں بلکہ ایک پلیٹ فارم ہے جہاں کھلاڑی خود اپنے گیمز تخلیق کرتے ہیں، ورچوئل کنسرٹس اور مختلف سوشل ایونٹس کی بدولت یہ نوجوان نسل، خاص طور پر ۔۔۔۔ کی اولین پسند رہا۔

فورٹ نائٹ

ایپک گیمز کا ‘فورٹ نائٹ’ اپنی نت نئی اپ ڈیٹس اور مارول و اسٹار وارز جیسے بڑے فرنچائزز کے ساتھ اشتراک کی وجہ سے بدستور مقبول رہا، 35 کروڑ سے زائد رجسٹرڈ صارفین کے ساتھ یہ گیم آج بھی بیٹل رائل کی دنیا کا بے تاج بادشاہ ہے۔

مائن کرافٹ

مائن کرافٹ نے 20 کروڑ ماہانہ صارفین کے ساتھ اپنی مقبولیت برقرار رکھی۔ بلاکس کی مدد سے اپنی دنیا تعمیر کرنے اور بقا کی جدوجہد کرنے والے اس گیم نے اپنی سادگی اور تخلیقی صلاحیتوں کی بدولت ہر عمر کے افراد کو مصروف رکھا۔

مزید پڑھیں:نیشنل یوتھ گیمز 2025 کیلیے لوگو ڈیزائن کرکے ایک لاکھ روپے جیتنے کا موقع

پب جی موبائل

پاکستان سمیت دنیا بھر میں پب جی کا جادو سر چڑھ کر بول رہا ہے۔ 25 کروڑ سے ذائد فعال کھلاڑیوں کے ساتھ، خاص طور پر موبائل ورژن میں، اس گیم نے حقیقت پسندانہ گرافکس اور بڑے پیمانے کے ٹورنامنٹس کی وجہ سے اپنی پوزیشن مضبوط رکھی۔

فری فائر

فری فائر اپنی تیز رفتار میچز اور کم قیمت اسمارٹ فونز پر آسانی سے چلنے کی صلاحیت کی وجہ سے ایشیا اور لاطینی امریکہ میں بے حد مقبول رہا۔ یہ گیم خاص طور پر ان صارفین میں مقبول ہے جو کم وقت میں بھرپور ایکشن کے خواہشمند ہوتے ہیں۔

گیمنگ کی دنیا اب محض تفریح تک محدود نہیں رہی بلکہ یہ ایک متوازی ورچوئل دنیا بن چکی ہے جہاں لوگ نہ صرف کھیلتے ہیں بلکہ سماجی رابطے بھی استوارکرتے ہیں، روبلوکس، فورٹ نائٹ اور پب جی جیسے گیمز نے 2025 میں انٹرٹینمنٹ کی نئی حدود متعین کر دی ہیں۔