صائم ایوب ہاردیک پانڈیا سے پہلی پوزیشن چھین کر نمبر ون ٹی ٹوئنٹی آل راؤنڈر بن گئے

انٹرنیشنل کرکٹ کونسل نے کھلاڑیوں کی نئی ٹی ٹوئنٹی رینکنگ جاری کی ہے جس کے مطابق پاکستان کے نوجوان کھلاڑی صائم ایوب نمبر ون آل راؤنڈر بن گئے ہیں۔

بیٹرز کی رینکنگ

آئی سی سی کی جانب سے جار کردہ تازہ ترین ٹی ٹوئنٹی پلیئرز رینکنگ کے مطابق بیٹرز میں بھارت کے ابھیشیک شرما کی پہلی پوزیشن برقرار ہے جبکہ پاکستان کے صاحبزادہ فرحان 11 درجے بہتری کے بعد 13 ویں نمبر پر آگئے اور بھارت کے سنجو سیمسن 8 درجے ترقی کے بعد 31 ویں نمبر پر پہنچ گئے۔

سری لنکا کے پاتھم نسانکا دو درجے ترقی کے بعد پانچویں نمبر پر آ گئے جبکہ بھارتی کپتان سوریا کمار یادیو دو درجے تنزلی کے بعد 8 ویں نمبر پر چلے گئے جبکہ بابر اعظم دو درجے تنزلی کے بعد 37 ویں نمبر پر اور محمد رضوان 3 درجے تنزلی کے بعد 41 ویں نمبر پر چلے گئے ہیں۔

مزید پڑھیں:جنوبی افریقا کے خلاف ٹیسٹ سیریز کیلئے قومی اسکواڈ کا اعلان

بولرز کی رینکنگ

ٹی ٹوینٹی بولرز رینکنگ میں بھارت کے ورون چکرورتھی کا پہلا نمبر برقرار جبکہ پاکستان کے ابرار احمد 3 درجے تنزلی کے بعد 7 ویں نمبر چلے گئے۔ بھارت کے کلدیپ یادیو 9 درجے کی ترقی کے بعد 12 ویں نمبر پر آ گئے جبکہ پاکستان کے شاہین آفریدی 12 درجے ترقی کے بعد 14 ویں نمبر پر پہنچ گئے۔

پاکستان کے فاسٹ بولر حارث رؤف 5 درجے تنزلی کے بعد 33 ویں پوزیشن پر آ گئے جبکہ محمد نواز کی 5 درجے ترقی کے بعد 41 ویں نمبر پر آ گئے۔

آل راؤنڈرز کی رینکنگ

آل راؤنڈرز میں پاکستان کے صائم ایوب نے بھارت کے ہاردیک پانڈیا سے پہلی پوزیشن چھین لی اور صائم ایوب 4 درجے ترقی کے بعد نمبر ون ٹی ٹوئنٹی آل راونڈر بن گئے ہیں۔ پاکستان کے محمد نواز4 درجے ترقی کے بعد 13 ویں نمبر آگئے جبکہ فہیم اشرف 4 درجے بہتری کے بعد35 ویں نمبر پر آگئے۔