-
-
ملک میں آٹے کی قیمتوں میں اضافہ دیکھنے میں آیا ہے۔ حالیہ ایک ہفتے کے دوران 20 کلو آٹے کے تھیلےکی قیمت میں 217 روپے تک کا اضافہ ہوا ہے۔
جنگ نیوز کے مطابق کراچی اور اسلام آباد کےشہری ملک میں سب سے مہنگا آٹا خریدنے پر مجبور ہیں۔ شہر قائد اور شہر اقتدارمیں 20 کلو آٹےکے تھیلے کی قیمت 1 ہزار 8 سو روپے تک پہنچ گئی۔
وفاقی ادارہ شماریات کی دستاویز کے مطابق حالیہ ایک ہفتے میں سیالکوٹ میں آٹے کا 20 کلو کا تھیلا 217 تک مہنگا ہوا، لاہور، گوجرانوالہ، ملتان، بنوں 200 روپے، بہاولپور 193 روپے 34 پیسے، راولپنڈی 187 روپے 67 پیسے، اسلام آباد 173 روپے 33 پیسے، سرگودھا 173 روپے، سکھر 160، کوئٹہ 130، کراچی، سکھر 100روپے اور پشاور میں آٹے کے 20 کلو تھیلےکی قیمت میں 50 روپے تک کا اضافہ ہوا۔
مزید پڑھیں:کراچی سمیت ملک میں آٹے کی ہول سیل قیمتوں میں کمی، دکانوں پر مہنگے داموں میں فروخت جاری
ادارہ شماریات کی دستاویز کے مطابق اضافے کے بعد راولپنڈی میں آٹے کے 20 کلو تھیلے کی قیمت 1 ہزار 786 روپے 67 پیسے، کوئٹہ 1690، حیدر آباد 1680، سیالکوٹ میں 1667، ملتان 1666 روپے 66 پیسے، بہاولپور 1660، پشاور اور بنوں میں 1650روپےتک پہنچ گیا۔
اسی طرح گوجرانوالہ میں 1650، فیصل آباد اور سرگودھا میں 1640، لاہور اور خضدار میں آٹے کے 20 کلو تھیلے کی قیمت 1600روپے تک پہنچ گئی جب کہ سکھر میں 1560 اور لاڑکانہ میں 1500روپےتک ہے۔
