تصویر میں موجود لڑکے کو مداح کی جانب سے بوائے فرینڈ کہنے پر ہانیہ کا ردعمل آگیا

اداکارہ ہانیہ عامر کی نئی تصویر سوشل میڈیا پر وائرل ہو رہی ہیں جس نے صارفین اور مداحوں کی توجہ سمیٹ لی ہے۔

ہانیہ عامر سوشل میڈیا پر اپنی ویڈیوز اور تصاویر کی وجہ سے مقبول رہتی ہیں مگر اس مرتبہ اداکارہ کی نئی تصاویر نے مداحوں کو تجسس میں مبتلا کردیا ہے۔

مزید پڑھیں:ہانیہ عامر دنیا کی دس خوبصورت ترین اداکاروں کی فہرست میں شامل

ان تصاویر میں ہانیہ عامر ایک لڑکے کیساتھ دکھائی دے رہی ہیں۔ ایک تصویر میں وہ ریسٹورنٹ میں مذکورہ لڑکے کیساتھ بیٹھی دکھائی دیں جبکہ ایک اور تصویر میں لڑکے نے اداکارہ کو اپنے کندھے پر اُٹھا رکھا ہے۔

ایک صارف نے اس متنازع تصویر پر ہانیہ سے سوال کیا کہ کیا یہ ان کا نیا بوائے فرینڈ ہے؟ جس پر اداکارہ کی جانب سے جواب بھی سامنے آگیا۔ ہانیہ نے صارف کے سوال پر کمنٹ میں جواب دیتے ہوئے لکھا کہ ’ہاں اور کوئی کام نہیں ہے میرا‘۔