-
-
کراچی میں 13 اگست کو نیشنل اسٹیڈیم کراچی میں ہونے والے آزادی کے جشن کے لئے انتظامات کو حتمی شکل دے دی گئی ہے۔
ضلع وسطی اورغربی کی جانب سے آنے والے شہریوں کے لئے ایکسپو سینٹر میں پارکنگ کا انتظام کیا گیا ہے، جب کہ شاہراہ فیصل اور ڈالمیا کی جانب سے آنے والے کے لئے چائنا گرانڈ می پارکنگ رکھی گئی ہے۔
وزیر بلدیات سندھ سعید غنی نے انتظامات کے حوالے سے تفصیلات بتاتے ہوئے کہا کہ شہریوں کو پارکنگ سے اسٹیڈیم پہنچانے کے لیے شٹل سروسز چلائی جائی گی۔ خواتین اور مرد حضرات کے لیے الگ الگ ہو گی۔
سعید غنی نے بتایا کہ سر شاہ سلیمان روڈ پر گیٹ نمبر 12، 13اور14 سے مرد حضرات اسٹیڈیم میں داخل ہو سکیں گے۔ اسٹیڈیم کے 7 انکوژر مرد حضرات کے مختص کئے گئے ہیں۔ خواتین، فیملیزیا خصوصی بچے اورانکی فیملیزکے لئے مختص ہونگے۔ اقبال قاسم انکلوژرمیں صرف خواتین کو بیٹھنے کی اجازت ہو گی۔
مزید پڑھیں:یوم آزادی کے موقع پر شکرپڑیاں پریڈ گراؤنڈ میں رنگا رنگ تقریبات کی تیاریاں
سعید غنی نے بتایا کہ نسیم الغنی انکلوزراسپیشل بچوں اور انکی فیملیز کے لیے مختص ہوگا۔ جبکہ فیملیز کے لیے نذر محمد، عمران خان سمیت پانچ انکلوزر رکھے گئے ہیں۔یہ تمام حضرات جنرلز سوسائٹی کے سامنے گیٹ سے اندر داخل ہوسکیں گے۔
وزیر بلدیات کے مطابق شہریوں کا اسٹیڈیم میں داخلہ اصل شناختی کارڈ کے ذریعےہوگا جبکہ ماچس، لائٹر، اسلحہ اور کھانے پینے کی اشیا ساتھ لانے پر پابندی ہو گی۔ اسٹیڈیم میں پاکستانی جھنڈے کے علاوہ کسی دوسرے ملک یا سیاسی جماعت کا جھنڈا لہرانے کی اجازت بھی نہیں ہو گی۔
جشن آزادی کے موقع پر اسٹیڈیم اور اطراف میں سیکیورٹی کے بھی انتہائی سخت انتظامات کئے گئے ہیں ،رینجرز اور پولیس، اسپیشل برانچ، جواتین پولیس اہلکار بھی تعینات ہونگی۔
سعید غنی کا کہنا تھا کہ اسٹیڈیم میں 27 ہزار شہریوں کی گنجائش ہے۔جبکہ رجسٹریشن 2لاکھ سے زائد افراد نے کرا لی ہے،اب مزید رجسٹریشن کا عمل بند کر دیا گیا ہے۔جن افراد نے کل رجسٹریشن کرالی تھی انکو پاسز بھجوارہے ہیں۔
اسٹیڈیم میں پہلے آنے والے افراد کو انٹری دی جائے گی، گنجائش پوری ہونے کے بعد گیٹ بند کر دئیے جائیں گے۔
