-
-
کراچی کے علاقے قائد آباد کے رہائشی تاجرمعین الدین کو صادق آباد جاتے ہوئے اغواء کر لیا گیا۔ قائد آباد کے رہائشی تاجر کے اغواء کا مقدمہ درج کر لیا گیا ہے۔
تفصیلات کے مطابق اغوا کاروں نے مغوی تاجر کی برہنہ اور تشدد زدہ ویڈیوز بھی اہل خانہ کو بھییج دی ہیں اور 2 کروڑ روپے تاوان طلب کیا۔ معین الدین کے بیٹے کا کہنا ہے کہ اس کے والد اسکریپ خریدنے صادق آباد گئے تھے کہ انہیں اغوا کر لیا گیا ہے۔
مبینہ ہنی ٹریپ کا شکار تاجر کی بازیابی کیلئے کراچی سے اے وی سی سی شکار پور پہنچ گئی ہے۔ ایس ایس پی کی سربراہی میں اے وی سی سی ٹیم نے مختلف مقامات پر چھاپے مارے ہیں۔
مزید پڑھیں:کراچی کا ایک اور شہری کچے میں ہنی ٹریپ کا شکار، ایک کروڑ تاوان طلب
ایس ایس پی اے سی سی سی کے مطابق ویڈیوز کچے کے باہر کے علاقے معلوم ہو رہی ہیں۔ بزرگ تاجر معین الدین 21 جون کو صادق آباد جانے کیلئے گھر سے نکلے تھے۔ قائد آباد تھانے میں اغوا برائے تاوان کا مقدمہ درج کیا گیا
