-
-
کراچی میں آج چند گھنٹوں کے درمیان مختلف حادثات میں 4 افراد جاں بحق ہوگئے ہیں۔
تفصیلات کے مطابق کراچی کے علاقے ڈیفنس خیابان نشاط پر ڈبل کیبن گاڑی کی ٹکر سے آن لان فوڈ ڈیلیوری کا موٹرسائیکل رائیڈر مرتضیٰ جاں بحق ہوگیا۔ گاڑی کے ڈرائیور کو گرفتار کرلیا گیا۔
کلفٹن تین تلوار کے قریب کارکی ٹکر سے موٹر سائیکل سوارجاں بحق اور ایک زخمی ہوگیا۔ کار ڈرائیور کو گرفتار کرلیا گیا۔ جام صادق پل اور کارساز کے قریب بھی حادثات میں 2 موٹرسائیکل سوارجاں بحق ہوگئے۔
مزید پڑھیں:کراچی میں 24 گھنٹوں میں ڈمپرز کی ٹکر سے دو شہری جاںبحق
واضح رہے کہ گزشتہ روز کراچی میں موٹروے ایم 9 پر ٹریلر کی موٹرسائیکل کو ٹکر سے 2 خواتین جاں بحق ہوگئیں تھی۔ میڈیا رپورٹ کے مطابق حادثہ تیز رفتاری کے باعث پیش آیا، حادثے میں ایک شخص اور 2 بچے زخمی بھی ہوئے ہیں۔ پولیس کا کہنا ہے کہ ٹریلر کو تحویل میں لے لیا گیا ہے جبکہ ڈرائیور موقع سے فرار ہوگیا۔
