بلیاں پکڑنے کا اختیار نہیں، گھرمیں مرغیاں پالنے کے شواہد نہیں ملے، کنٹونمنٹ بورڈ کلفٹن کا عدالت میں جواب

گھروں میں مرغیاں اور بلیاں پالنے کے کیس میں کنٹونمنٹ بورڈ کلفٹن (سی بی سی) نے جواب سندھ ہائی کورٹ میں جمع کرادیا، جس میں کہا گیا ہے کہ سی بی سی کے پاس بلیاں پکڑنے کا اختیار نہیں ہے۔ تفصیلات کے مطابق خاتون کی جانب سے سندھ ہائی کورٹ میں گھر میں مرغیاں پالنے کے خلاف دائر درخواست کی سماعت ہوئی۔

عدالت میں سی بی سی کے وکیل نے اپنا جواب جمع کروا دیا، جس میں کہا گیا ہے کہ کنٹونمنٹ بورڈ کلفٹن نے مذکورہ گھر کا کئی بار دورہ کیا، گھر میں مرغیاں پالنے یا چڑیا گھر کے شواہد نہیں ملے۔ وکیل سی بی سی نے کہا کہ پڑوسیوں نے گھر میں 3 بلیوں کی نشاندہی کی تھی، تاہم سی بی سی کے پاس بلیاں پکڑنے کا اختیار نہیں ہے۔

سندھ ہائی کورٹ نے بلیوں کے خلاف کارروائی سے متعلق پولیس سے 3 ہفتوں میں رپورٹ طلب کرلی۔