کراچی میں یوم آزادی کے جشن پر فائرنگ کرنے والے 4 پولیس اہلکار گرفتار

کراچی میں یوم آزادی کے جشن پر فائرنگ کرنے والے پولیس اہلکاروں کو گرفتار کرلیا گیا۔ مجموعی طور پر 5 افراد کو حراست میں لیا گیا ہے جس میں سے 4 کا تعلق پولیس کے مختلف یونٹ سے ہے۔

جیو نیوز کی رپورٹ کے مطابق یوم آزادی کے موقع پر آرام باغ حقانی چوک کے علاقے میں ہوائی فائرنگ کرنے والے 4 پولیس اہلکاروں سمیت 5 افراد کو گرفتار کرلیا گیا ہے۔

گرفتار ملزمان میں 4 پولیس اہلکار بھی شامل ہیں، ملزمان کی شناخت عثمان، وقاص، مستنصر، قمر الیاس اور مدین الدین کے نام سے ہوئی ہے۔ گرفتار پولیس اہلکار میٹھادر تھانہ، 15 مددگار اور دیگر مقامات پر تعینات ہیں۔

رپورٹ کے مطابق ملزمان سے فائرنگ میں استعمال ہونے والا اسلحہ بھی برآمد کرلیا گیا ہے اور چاروں کے خلاف مقدمہ درج کرکے کارروائی شروع کردی گئی ہے۔