کراچی کے شہریوں کیلئے بجلی 3 روپے 27 پیسے فی یونٹ مہنگی

کراچی کے شہریوں پر ایک بار پھر بجلی بم گرادیا ہے۔ کے الیکٹرک کے صارفین کیلئے بجلی کے نرخوں میں اضافہ کردیا گیا۔ قیمتوں میں اضافہ کا نوٹی فکیشن بھی جاری کردیا۔

نیشنل الیکٹرک پاور ریگولیٹری اتھارٹی (نیپرا) کی جانب سے کراچی کے شہریوں کے لیے بجلی کی قیمتوں میں 3 روپے 27 پیسے فی یونٹ اضافہ کیا گیا ہے۔ نیپرا کے نوٹیفکیشن میں کہا گیا ہے کہ بجلی کی قیمتوں میں اضافہ جنوری کی ماہانہ فیول کاسٹ کی مد میں کیا گیا ہے۔

نیشنل الیکٹرک پاور ریگولیٹری اتھارٹی (نیپرا) کا اس حوالے سے کہنا ہے کہ بجلی کی قیمتوں میں اضافے کا اطلاق اپریل کے بلوں پر ہو گا۔ نیپرا کے نوٹیفکیشن میں یہ بھی کہا گیا ہے کہ اس اضافے سے کراچی کے بجلی کے صارفین پر 3 ارب 58 کروڑ روپے کا اضافی بوجھ پڑے گا۔