-
-
امریکہ اور ایران کے درمیان جنگ بندی اور اس میں پاکستانی کردار پر ہر طرف پاکستان کے جرأت مندانہ مؤقف کے چرچے ہیں۔
پاکستان اور پاکستانی سول و فوجی قیادت دنیا بھر کے میڈیا کی سرخیوں میں ہے۔ جیو نیوز کے مطابق ایک اخبار نے لکھا کہ وزیراعظم شہباز شریف اور فیلڈ مارشل عاصم منیر نے مذاکرات کی قیادت کی، جب دنیا دم سادھے کھڑی تھی اس وقت پاکستان کے اہم اور جرأت مندانہ اقدام کو فریقین اور عالمی برادری نے سنجیدگی سے لیا۔
خلیجی میڈیا کے مطابق پاکستان نے حالیہ جنگ کے خاتمے کیلئے بہترین کردار ادا کیا اور ٹرمپ نے حملے روک دیے، پاکستان نے ایران اورامریکا کے ساتھ دیرینہ تعلقات کے باعث خود کو امن کے با اعتماد ضامن کے طور پر منوایا ہے۔
برطانوی خبرایجنسی نے کہا کہ پاکستان – امریکا اور ایران کے درمیان ایک طاقتور ثالث کے طورپر ابھر کر سامنے آیا ہے۔ جبکہ امریکی ٹی وی کے مطابق ٹرمپ نےکہا کہ وزیراعظم شہبازشریف اورفیلڈ مارشل سے بات چیت کےبعد لڑائی روک رہے ہیں۔ برطانوی ٹی وی کا کہنا تھا کہ پاکستان خطےمیں امن واستحکام کیلئے کئی ہفتوں کی کاوشوں کے بعد کامیاب ہوگیا ہے۔
بھارت کےخلاف پاکستانی میزائلوں کی کامیابی نے امریکی میزائل پروگرام کو تیز کر دیا، بلومبرگ
دوسری جانب تجزیہ کار اور مبصرین اس جنگ بندی کو پاکستان کی بڑی سفارتی کامیابی قرار دے رہے ہیں۔ وال سٹریٹ جنرل سے منسلک صحافی اور مصنف سدانند دھومے ایکس پر لکھتے ہیں کہ آپ اسے جس طرح بھی دیکھیں، یہ پاکستان کی بہت بڑی سفارتی جیت ہے۔ پاکستانی صحافی سیرل المیڈا لکھتے ہیں: عاصم اور شہباز۔۔۔ دنیا کو بچا لیا۔
بھارتی بھی امریکا ایران جنگ بندی میں پاکستان کی کامیاب سفارتکاری پر وزیراعظم شہباز شریف اور آرمی چیف فیلڈ مارشل عاصم منیر کی قیادت کو خطے میں امن کے قیام کے لیے مثبت پیشرفت قرار دے رہے ہیں۔ بھارتی پروفیسر اشوک سوین نے لکھا کہ یہ پاکستان کے لیے اعزاز کا نشان ہے، مودی شاید پاکستان کو بین الاقوامی سطح پر تنہا کرنے چاہتے تھے مگر اس کے برعکس بھارت خود تنہا رہا گیا۔
