-
-
سونے کی قیمت میں سال 2025 کے دوران بڑا اضافہ دیکھنے میں آیا، اس دوران مقامی مارکیٹوں میں فی تولہ سونے کی قیمت ایک لاکھ 84 ہزار 362روپے بڑھ گئی ۔
تفصیلات کے مطابق 2025 کے خاتمے پر سونے کی فی تولہ قیمت 4 لاکھ 56 ہزار 962 روپے ریکارڈکی گئی جبکہ 2024 کے اختتام پر مقامی مارکیٹ میں سونے کی قیمت 2 لاکھ 72 ہزار 600 روپے فی تولہ رہی تھی ۔ اس طرح گزشتہ سا ل (2024)کے مقابلے میں 2025 میں فی تولہ سونا ایک لاکھ 84 ہزار 362روپے مہنگا ہوگیا۔
مزید پڑھیں:سونے کی قیمت تاریخ کی بلند ترین سطح پر ، کیا سونے میں سرمایہ کاری کا یہ درست وقت ہے؟
اسی طرح سال 2024 کے خاتمے پر بین الاقوامی مارکیٹ میں سونے کی فی اونس قیمت 2614 ڈالر فی اونس تھی جو کہ 2025 کے اختتام پر بڑھ کر 4346 ڈالر فی اونس ہوگئی۔
سونے کی قیمت میں اضافہ کے بنیادی اسباب میں جغرافیائی و سیاسی تنازعات اور بین الاقوامی اقتصادی غیر یقینی کی صورتحال شامل رہی ہیں۔ واضح رہے کہ آج سونے کی قیمت میں 2500 روپے کی کمی ہوئی جس کے بعد فی تولہ سونا 456962 روپے کا ہوگیا ہے، اس کےعلاوہ دس گرام سونے کے بھاؤ 2143 روپے کم ہوکر 391771 روپے ہوگئے۔
